பாகிஸ்தான் கிரிக்கெட் அணிக்கு தொடர்ச்சியாக எதிர்மறையான காலக்கட்டம் நீடித்து வருகின்றது. சொந்த மண்ணில் சாம்பியன்ஸ் டிராபி  போட்டியில் தோல்வியடைந்தத நிலையில், தற்போது நியூசிலாந்து தொடரிலும் பலத்த சவால்களை எதிர்கொண்டு வருகிறது. கடந்த 2023 ஒருநாள் உலகக்கோப்பை, 2024 டி20 உலகக்கோப்பை மற்றும் 2025 சாம்பியன்ஸ் டிராபியில் சொந்த மண்ணில் ஏற்பட்ட மாபெரும் தோல்விகளால், பாகிஸ்தான் அணியின் மீது விமர்சனங்கள் அதிகரித்துள்ளன. முன்னாள் வீரர்கள் முதல் ரசிகர்கள் வரை அனைவரும் அணி நிர்வாகத்தையும், அணியின் செயல்பாடுகளையும் கடுமையாக விமர்சித்து வருகின்றனர். இந்நிலையில், 5 டி20 மற்றும் 3 ஒருநாள் போட்டிகள் கொண்ட நியூசிலாந்து சுற்றுப்பயணத்தில் பாகிஸ்தான் அணி விளையாடி வருகிறது.

இத்தொடரில் முக்கியமான நட்சத்திர வீரர்களான பாபர் அசாம், முகமது ரிஸ்வான் போன்ற வீரர்கள் இடம்பெறாமல், இளம்வீரர்களுக்கு அதிக வாய்ப்பு அளிக்கப்பட்டுள்ளது. முதல் டிஆர்பி போட்டியிலேயே பாகிஸ்தான் அணி 91 ரன்களுக்கு சுருண்டது. இது ரசிகர்களிடையே மேலும் அதிருப்தியை ஏற்படுத்தியுள்ளது. இளம்வீரர்கள் சரிவர செயல்பட முடியாமல் போராடி வரும் சூழலில், அணியின் தேர்வு முறையும் கேள்விக்குள்ளாகியுள்ளது. இதனால் பாகிஸ்தான் அணியின் மீதான விமர்சனங்கள் தீவிரமாகியுள்ளன. முன்னாள் வீரர்களும், விளையாட்டு விமர்சகர்களும், அணியின் செயல்பாட்டை கடுமையாக சாடி வருகின்றனர்.

இந்த சூழலில், பாகிஸ்தான் அணியின் வேகப்பந்து வீச்சாளர் ஹாரிஸ் ராஃப் விமர்சிப்பவர்களுக்கு  பதிலளித்து தனது கருத்தை தெரிவித்துள்ளார். அவர், “அணியை கட்டமைக்க நேரம் தேவை. இளம்வீரர்கள் வளர்வதற்கும், கிரிக்கெட்டில் சாதிக்கவும் தகுந்த வாய்ப்பு அளிக்க வேண்டும். கிரிக்கெட்டில் புதிய வீரர்கள் ஆரம்பத்தில் சிரமப்படும் நிகழ்வுகள் இயல்பானவை. ஒவ்வொருவரும் பாகிஸ்தான் தோற்கும் வரை காத்திருந்து விமர்சிக்க மட்டுமே முனைகிறார்கள். ஆனால் நாங்கள் ஒரு அணியாக வளர முயற்சிக்கிறோம். புதுமையான அணிவகுப்பு முறைகளை சோதிக்கும்போது தோல்விகள் ஏற்படலாம், ஆனால் அதிலிருந்து கற்றுக்கொண்டு மீண்டும் உறுதியுடன் ஆடுவோம். எதிர்காலத்தில் பாகிஸ்தான் கிரிக்கெட் மீண்டும் உயர்கும்” என்று நம்பிக்கையுடன் தெரிவித்தார்.