பழம்பெரும் திரைப்பட இயக்குனர் மற்றும் தயாரிப்பாளர் அரோமா மணி. இவர் நேற்று திருவனந்தபுரத்தில் உள்ள அவருடைய இல்லத்தில் உடல்நல குறைவின் காரணமாக உயிரிழந்தார். இவருக்கு வயது 65. இவர் 60 படங்களுக்கு மேல் தயாரித்துள்ள நிலையில், முதல்முறையாக கடந்த 1977 ஆம் ஆண்டு வெளியான தீரசாமிரே யமுனா தீரே என்ற படத்தின் மூலம் தயாரிப்பாளர் ஆக அறிமுகமானார்.

இவர் கடந்த 2013 ஆம் ஆண்டு பகத் பாஸில் நடிப்பில் மலையாளத்தில் வெளியான ஆர்டிஸ்ட் திரைப்படத்தை கடைசியாக தயாரித்திருந்தார். அதோடு கடந்த 1982 ஆம் ஆண்டு வெளியான ஆ திவசம் உள்ளிட்ட 7 படங்களையும் இயக்கியுள்ளார். மேலும் அவருடைய மறைவுக்கு திரையுலக பிரபலங்கள் மற்றும் ரசிகர்கள் பலரும் இரங்கல் தெரிவித்து வருகிறார்கள்.