தமிழ் சினிமாவின் முன்னணி நடிகராக இருப்பவர் தளபதி விஜய். இவர் சமீபத்தில் வெங்கட் பிரபு இயக்கத்தில் நடித்த கோட் திரைப்படம் வெளியாகி 400 கோடிக்கு மேல் வசூல் சாதனை புரிந்தது. இந்த படத்தின் வெற்றியை தொடர்ந்து அடுத்ததாக எச். வினோத் இயக்கத்தில் தளபதி 69 படத்தில் விஜய் நடிக்க இருக்கிறார். இது நடிகர் விஜயின் கடைசி படமாகும்.

இந்த படத்திற்கு அனிருத் இசையமைக்கும் நிலையில் இன்று படத்தின் கதாபாத்திரங்கள் அறிமுகப்படுத்தப்படும் என்று படக்குழு அறிவித்திருந்தது. அதன்படி தற்போது படத்தின் கதாபாத்திர அறிவிப்பை வெளியிட்டு வருகிறார்கள். இந்நிலையில் தளபதி 69 படத்தில் பாபி தியோல் இணைந்துள்ளார்.

இவர் வில்லன் கதாபாத்திரத்தில் நடிக்கலாம் என்று கூறப்படுகிறது. மேலும் வருகிற 3-ம் தேதி வரை படத்தின் கதாபாத்திரங்கள் குறித்து அறிவிப்பு வெளியாகும் என்று பட குழு தெரிவித்துள்ளது