நடிகர் விஜய் சினிமாவை தாண்டி விரைவில் அரசியல் கட்சி தொடங்குவார் என்று எதிர்பார்க்கப்படுகிறது. இதனிடையே  பல்வேறு அரசியல் நிகழ்வுகளை அவருடைய விஜய் மக்கள் இயக்கம் செய்து வருகிறது. அதன் முதற்கட்டமாக பல்வேறு தலைவர்களுடைய சிலைக்கு மரியாதை செய்து வருகிறார்கள். இந்த நிலையில் 10, +2 பொதுத்தேர்வில் வென்ற மாணவர்களை இன்று  நடிகர் விஜய் சந்திக்க உள்ளார்.

சென்னை நீலாங்கரையில் நடைபெற உள்ள இந்த விழாவில் தொகுதி வாரியாக முதல் 3 இடங்களை பெற்ற மாணாக்கர்களுக்கு ஊக்கத் தொகை வழங்கப்பட உள்ளது. கல்வி விருது விழா நிகழ்ச்சிக்காக நடிகர் விஜய் 2 கோடி ரூபாய் செலவு செய்து இருப்பதாக தகவல் வெளியாகி உள்ளது. அதில் நிகழ்ச்சி அரங்கத்திற்கு வாடகை மட்டும் ரூ.40 லட்சம் செலவாகியுள்ளது.  காலை, மதிய உணவு மற்றும் வெளியூரிலிருந்து வந்த மாணவர்கள், பெற்றோர்கள் தங்குவதற்கான மண்டப செலவு அனைத்தையும் தளபதி விஜய் ஏற்றுக்கொண்டுள்ளார்.