அமெரிக்காவில் ஜனாதிபதி தேர்தல் வருகிற நவம்பர் மாதம் 5-ம் தேதி நடைபெற இருக்கிறது. இதில் முன்னாள் ஜனாதிபதியான டொனால்ட் டிரம்ப் (78) போட்டியிடுகிறார். அதே போன்று ஆளும் ஜனநாயக கட்சி சார்பில் ஜனாதிபதி ஜோ பைடன் (81) வேட்பாளராக அறிவிக்கப்பட்டார். ஆனால் வயோதிகம் உள்ளிட்ட காரணங்களால் ஜோ பைடன் போட்டியில் இருந்து விலக வேண்டும் என்று அக்கட்சியின் உள்ளே அவருக்கு எதிர்ப்புகள் வந்தது. இதனால் அவர் ஜனாதிபதி தேர்தல் போட்டியில் இருந்து விலகினார். இதைத்தொடர்ந்து ஜனாதிபதி போட்டியில் போட்டியிட இந்திய வம்சாவளியைச் சேர்ந்த துணை அதிபராக கமலா ஹாரிஸ்(59) வேட்பாளராக அறிவிக்கப்பட்டார்.

இதனால் அமெரிக்கா முன்னாள் ஜனாதிபதி ஒபாமா உட்பட கட்சியின் பல்வேறு மூத்த தலைவர்களும் அவருக்கு ஆதரவு தெரிவித்தனர். இது தொடர்பாக பென்சில்வேணியாவில் நடைபெற்ற பிரச்சார பொதுக்கூட்டத்தில் டிரம்ப்  பேசியுள்ளார். அதில் அவர் கூறியதாவது, ஜோ பைடனை விட கமலா ஹாரிஸை தோற்கடிப்பது மிகவும் எளிதானது என்று நான் நினைக்கிறேன். கமலா ஹாரிஸ் பல முக்கியமான அரசியல் பகுதிகளில் தீவிர இடதுசாரிகவே நடந்து கொள்கிறார். அவர்  சிரிப்பதை நீங்கள் கேட்டிருக்கிறீர்களா, அது ஒரு முட்டாளின் சிரிப்பு போன்று இருக்கும். அவரை விட நான் அழகாக இருக்கிறேன் என்று கூறினார்.