பீகார் மாநிலம் முசாஃபர்பூரை சேர்ந்த 9 ஆம் வகுப்பு மாணவர் சைஃப் அலி, சில தனிப்பட்ட வேலைகளுக்காக உள்ளூர் சைபர் கஃபேவுக்குச் சென்று கொண்டிருந்தபோது, அவர் தனது வங்கிக் கணக்கில் இருந்து ரூ. 500 எடுக்க முடிவு செய்தார். ஆனால் தனது வஞ்சி கணக்கில் இருந்த பணத்தைப் பார்த்து மாணவர் பெரும் அதிர்ச்சிக்கு உள்ளானார்.
சாதாரண இருப்புக்குப் பதிலாக, கணக்கில் 87.65 கோடி ரூபாய் காட்டப்பட்டுள்ளது. சைஃப் மற்றும் சைபர் கஃபே உரிமையாளர் இருவரும் ஆரம்பத்தில் அதிர்ச்சியடைந்தனர் மற்றும் இது தவறாக இருக்கலாம் என்று கருதினர். உறுதி செய்ய, அவர்கள் மீண்டும் கணக்கு இருப்பை சரிபார்த்தனர், ஆனால் தொகை மாறாமல் இருந்தது.
சூழ்நிலையால் குழப்பமடைந்த சைஃப் உடனடியாக வீட்டிற்குச் சென்று தனது தாயிடம் செய்தியைப் பகிர்ந்து கொண்டார். இதையடுத்து மாணவனின் தாய் தனது கிராமத்தை சேர்ந்த மற்றொரு இளைஞனுக்கு தகவல் தெரிவித்துள்ளார்.
அந்த இளைஞர் வாடிக்கையாளர் சேவை மையத்தை தொடர்பு கொண்டு பரிசோதித்த போது மாணவனின் கணக்கில் இருந்த 87.65 கோடி ரூபாய் மறைந்து ஏற்கனவே கணக்கில் இருந்த 532 ரூபாய் மட்டும் இருந்துள்ளது. இந்த சம்பவம் அப்பகுதியில் பேசு பொருள் ஆகியுள்ளது.
