இன்றைய காலகட்டத்தில் சிறியவர்கள் முதல் பெரியவர்கள் வரை அனைவருமே செல்போன் பயன்படுத்த தொடங்கிவிட்டனர். ஆனால் சில நேரங்களில் ஸ்மார்ட் போன் அதிகமாக வெப்பமடைந்து வெடித்து சிதறும் சம்பவங்கள் நிகழ்கின்றன. பொதுவாகவே ஸ்மார்ட் போன் அடிக்கடி சூடாகும் பிரச்சனை பலருக்கும் இருக்கும். சில ஃபோன்களை தொடர்ந்து ஒரு மணி நேரம் பயன்படுத்திவிட்டு அதன் திரையை தொட்டால் அதிகமாக கொதிக்கும். அதனைப் போலவே நீண்ட நேரம் சார்ஜ் போட்டுவிட்டு போனை கையில் எடுத்தாலும் வெப்பத்தை உணர முடியும்.

பெரும்பாலான ஸ்மார்ட் ஃபோன்களில் இது போன்ற பிரச்சனைகள் உள்ளது. நாம் கையில் வைத்து பயன்படுத்தக்கூடிய ஸ்மார்ட் போன் அதற்குள் இருக்கும் மின்னணு பொருட்களின் செயல்பாடுகள் மூலம் வெப்பத்தை வெளியேற்றுகின்றது. இந்த அதிகமான வெப்பத்தை தாங்கும் வகையில் மொபைல் பாகங்கள் வடிவமைக்கப்பட்டிருக்கும். அப்படி இருந்தாலும் ஸ்மார்ட் ஃபோனின் வேகமும் செயல்பாடும் அது சூடாவதால் குறைகின்றது. அதிகமாக ஸ்மார்ட் போன் சூடாகும்போது வெடிக்கும் அல்லது தீப்பிடிக்கும் அபாயமும் ஏற்படும். இதனை தடுப்பதற்கு சில வழிமுறைகள் உள்ளன.

உங்களுடைய ஸ்மார்ட் போனை எப்போதும் 100% பேட்டரியுடன் வைத்திருக்க வேண்டும் என்ற எந்த அவசியமும் கிடையாது. 80 முதல் 90 சதவீதம் அளவு பேட்டரி இருந்தால் போதும்.

சார்ஜ் போடும்போது முழுவதும் சார்ஜ் ஆன பிறகும் கூட சார்ஜரில் இருந்து நாம் போனை எடுக்க மாட்டோம். இது போல் அதிகம் சூடாவதற்கு காரணமாக அமையும்.

இரவு முழுவதும் போனை சார்ஜ் செய்வது தான் பலருடைய வழக்கம். இவ்வாறு செய்வது தவறு.

போன் பேட்டரியின் அளவை 30 முதல் 90 சதவீதம் வரை எப்போதும் வைத்திருப்பது பேட்டரியின் ஆயுளுக்கு நல்லது.

புது போன் வாங்கியதும் அதனை பாதுகாக்க ஏதாவது கவர் வாங்கி போடுவது தான் வழக்கம். போனின் வெப்பம் அதிகரிக்க இதுவும் ஒரு காரணமாக அமையும்.

நீண்ட நேரம் கேம் விளையாடும் போது அல்லது இணையம் பயன்படுத்தும் போது மொபைல் போன் அதிகம் சூடாகிவிடும்.

இது போன்ற நேரத்தில் உங்கள் போன் கவரை கழற்றி விடுங்கள். போன் கவரை தேர்வு செய்யும்போது ரப்பர் அல்லது கண்ணாடியாலான கபரை தேர்வு செய்வது வெப்பத்தை குறைக்க உதவும். பிளாஸ்டிக் அல்லது பாலி கார்பனேட் கவர்கள் வெப்பத்தை வெளியேற்றாது.

மேலும் ஜிபிஎஸ், இணையம் மற்றும் ப்ளூடூத் அதிக நேரம் மொபைல் டேட்டா மூலம் பதிவிறக்கம் செய்வது அல்லது இணையத்தில் உழவுவது ஸ்மார்ட் ஃபோனை அதிகம் சூடாக்கும். அதனால் சிறிய இடைவெளிக்கு பிறகு உங்களுக்கு தேவையானவற்றை பதிவிறக்கம் செய்யலாம்.

வைஃபை இருந்தால் அதனை பயன்படுத்துவது சிறந்தது.

அதுமட்டுமல்லாமல் போன் சார்ஜ் ஆகி கொண்டிருக்கும்போது பயன்படுத்துவது, திரையில் ஒளி அளவை அதிகம் வைப்பது, பெண்ணால் இருந்து செயலாற்றும் செயல்கள் ஆகியன மின் சக்தியை வீணாக்கும். இதனை முடிந்த அளவு குறைத்தால் அடிக்கடி போனை சார்ஜர் செய்ய வேண்டிய அவசியம் இருக்காது.

குறிப்பாக மொபைல் போன் பழுது ஏற்பட்டு போனின் பேட்டரியை மாற்றும்போது எக்காரணம் கொண்டும் போலியான அல்லது மலிவான பேட்டரிகளை வாங்கக்கூடாது.

போலி பேட்டரிகள் எளிதில் சூடாகி விடும். சில நேரங்களில் அதிக வெப்பத்தால் வெடிக்கும் அபாயமும் ஏற்படும்.

உங்கள் மொபைல் போனோடு வந்த சார்ஜரை தவிர்த்து வேறு ஏதேனும் தரம் இல்லாத சார்ஜர்களை பயன்படுத்துவதும் ஸ்மார்ட்போனுக்கு ஆபத்தாக மாறிவிடும்.

இந்த வழிமுறைகளை கடைபிடித்தால் போன் சூடாவது குறையும்.