இணையத்தில் வைரலாகியுள்ள ஒரு காணொளி தற்போது அனைவரையும் அதிர்ச்சியில் ஆழ்த்தியுள்ளது. இந்த வீடியோவில், ஒரு முதலை தண்ணீரில் நிசப்தமாகக் கிடப்பதை காணலாம். அதை பார்த்த விவசாயி ஒருவர், அது இறந்துவிட்டது என எண்ணி, ஒரு குச்சியால் அதனைத் தட்டுகிறார். ஆனால் அடுத்த நொடியில், அந்த முதலை திடீரென உயிருடன் எழுந்து, குச்சியைப் பிடிக்க முயற்சிக்கிறது. இந்த திடீர் தாக்குதல் அதனைச் சுற்றியிருந்த மக்களை கடும் பயத்தில் ஆழ்த்தியது.
இந்த சம்பவம், காட்டில் வாழும் விலங்குகள் எவ்வளவு புத்திசாலித்தனமாக நடந்து கொள்கின்றன என்பதற்கே ஒரு சிறந்த எடுத்துக்காட்டு. வலிமை மட்டுமல்ல, தந்திரமும் வேட்டையாடும் விலங்குகளுக்கு முக்கியமானதாக இருக்கிறது என்பதையும் இது உறுதிப்படுத்துகிறது. இந்த வீடியோவில் முதலை, தன்னை இறந்ததாக காட்டி, எதிரியைச் சிக்கவைக்க முயற்சித்தது காணப்படுகிறது. இது, மனிதர்களும் கூட சில நேரங்களில் இயற்கையின் விளையாட்டுகளில் எளிதாக சிக்கிக்கொள்வது சாத்தியம் என்பதையும் உணர்த்துகிறது.
View this post on Instagram
இந்த வீடியோவை hereyourjumpscare என்ற இன்ஸ்டாகிராம் பக்கத்தில் பதிவிட்டுள்ளனர். இதனை ஆயிரக்கணக்கானோர் பார்த்து, அதில் தங்களது கருத்துக்களையும் பதிவிட்டு வருகின்றனர். ஒருவர், “இந்த இரக்கமற்ற நீர் வேட்டைக்காரன் யாரையும் கொல்ல முடியும்” எனக் குறிப்பிட்டுள்ளார். மற்றொருவர், “அதை இறந்ததா என நம்பி அருகில் சென்றதுதான் அவர்களுடைய பெரிய தவறு” என தெரிவித்துள்ளார். இன்னொருவர், “அவர்கள் முதலைவிடம் சிக்கியிருந்தால், உயிரே இல்லாமல் போயிருக்கும்” எனக் கூறியுள்ளார். இந்த வீடியோ, காட்டில் வாழும் விலங்குகளை எப்போதும் நம்மால் கணிப்பது சாத்தியம் அல்ல என்பதையும் நன்கு விளக்குகிறது.
