இந்தோனேசியாவில் இருந்து சமீபத்தில் வந்த வீடியோ ஒன்று சமூக ஊடகங்களில் பெரும் பரபரப்பை ஏற்படுத்தி வருகிறது. பாம்புகளை கையாண்டு வீடியோ உருவாக்கும் சஹாபத் ஆலம் என்ற பிரபலம், தனது கையில் மிகவும் ஆபத்தான நாகப்பாம்பு (King Cobra) ஒன்றைக் கொண்டு வேடிக்கை காட்டிய போது, எதிர்பாராதவிதமாக அந்த நாகம் நேரடியாக அவரது கண்களில் விஷத்தை வீசியது. இந்த வீடியோ தற்போது இன்ஸ்டாகிராமில் வைரலாகி வருகிறது.
வீடியோவில், சஹாபத் தனது கைகளில் பாம்பை சுழற்றிக் கொண்டிருந்தபோது, தனது முகத்துடன் நெருக்கமாக கொண்டு சென்று பார்ப்பதைக் காணலாம். அப்போது, நாகப்பாம்பு திடீரென தனது நாக்கை நீட்டி, கண்களில் நேராக விஷத்தை வீசுகிறது. சில விநாடிகளில், சஹாபத் வலியால் முற்றிலும் சிரமமாக இருப்பது வீடியோவில் தெளிவாகப் பதிவாகியுள்ளது. அந்த தருணம் பலரை பதறவைக்கும் வகையில் இருந்தது.
இந்த வீடியோ @sahabatalamreal என்ற இன்ஸ்டாகிராம் கணக்கில் பதிவேற்றப்பட்டுள்ளது. இதுவரை 80 ஆயிரத்துக்கும் மேற்பட்டோர் லைக் செய்துள்ளதுடன், ஆயிரக்கணக்கான பேரதிர்ச்சி மற்றும் கவலையுடன் கருத்துக்களை பகிர்ந்து வருகின்றனர். “வாழ்க்கையை நேசிக்கிறாயா?” “என் ஆன்மா நடுங்கியது!” “இவங்க உயிரோட இருக்காங்களா?” என பலரும் கருத்து தெரிவித்துள்ளனர்.
வீடியோவின் முடிவில் சஹாபத்தின் நிலை குறித்து தெளிவான தகவல் இல்லை. இருப்பினும், அவரது இன்ஸ்டாகிராம் பக்கம் தொடர்ந்தும் செயல்பட்டுக் கொண்டிருப்பதைக் கொண்டு, அவர் தற்போது பாதுகாப்பாக இருக்கிறார் என நெட்டிசன்கள் நம்பிக்கை தெரிவித்துள்ளனர். இதுபோன்ற ஆபத்தான முயற்சிகள் சமூக வலைத்தளங்களில் பார்வையாளர்களை ஈர்க்கும் நிலையில், இது போன்ற செயல்கள் எவ்வளவு ஆபத்தானவை என்பதை உணர்த்தும் வீடியோவாக இது விளங்குகிறது.
View this post on Instagram
