இந்தியாவில் காலை நேரத்திலிருந்து மாலை வரை தேநீர் என்பது நம்முடைய அன்றாட வாழ்க்கையின் ஓர் அங்கமாகவே உள்ளது. இந்நிலையில், தேநீருக்காக சல்லடை இல்லாத சமயத்தில் ஒருவர் செய்தித்தாளைப் பயன்படுத்தி வடிப்பது போன்ற ஒரு சம்பவம் சமூக வலைதளங்களில் தீவிரமாக வைரலாகி வருகிறது.

இந்த வீடியோவில், அந்த நபர் ஒரு சுத்தமான செய்தித்தாள் துண்டை தேநீர் பானையின் வாயில் வைத்தபடி மெதுவாக தேநீரை கோப்பையில் ஊற்றுகிறார். இதன் மூலம் தேயிலை இலைகள் கோப்பையில் விழாமல் வடிகட்டப்படுகின்றன. சுமார் 11 வினாடிகள் கொண்ட இந்த வீடியோ, இன்ஸ்டாகிராமில் பதிவிடப்பட்ட நிலையில், இது 14 லட்சம் பார்வைகளையும், 14 ஆயிரம் லைக்குகளையும் பெற்றுள்ளது. பல பயனர்கள், “நல்ல யோசனை!” என்று பாராட்டியுள்ளதுடன், சிலர் “செய்தித்தாளில் உள்ள மை உடலுக்கு கேடு விளைவிக்கலாம்” என எச்சரிக்கவும் செய்கிறார்கள்.

 

இந்த யோசனை ஒரு அவசரமான சூழ்நிலையில் நம்மை மீட்கக்கூடியது தான். ஆனால் சுகாதாரத்தை கருத்தில் கொண்டு, சுத்தமான வெள்ளை காகிதம் மட்டும் பயன்படுத்த வேண்டும் என்பதே நிபுணர்களின் பரிந்துரை. மேலும் இதனை  பயனுள்ள யோசனை எனலாம்; ஆனால் பாதுகாப்போடு செயற்பட வேண்டும் என்பது முக்கியம்.