PM மோடி 4 நாட்கள் பயணமாக இன்று(ஜூன்-20) அமெரிக்கா புறப்பட்டு சென்றார். அமெரிக்க ஜனாதிபதி ஜோபைடன், அவரது மனைவி ஜில் பைடன் போன்றோரின் அழைப்பின் படி அவர் செல்கிறார். இதையடுத்து நாளை (ஜூன் 21) பிரதமர் மோடி சர்வதேச யோகா தினத்தை முன்னிட்டு நியூயார்க் நகரில் உள்ள ஐ.நா தலைமையகத்தில் நடக்கும் யோகா கொண்டாட்டத்துக்கு தலைமை தாங்குகிறார்.

பின் 22-ஆம் தேதி அமெரிக்க வெள்ளை மாளிகையில் பிரதமர் மோடிக்கு வரவேற்பு அளிக்கப்படுகிறது. அவரை கவுரவிக்கும் விதமாக ஜோ பைடனும், ஜில் பைடனும் விருந்து அளிக்கின்றனர். ஜோ பைடனுடன் இருதரப்பு உறவுகள் பற்றி மோடி பேச்சுவார்த்தை நடத்துகிறார். அதேநாளில் அமெரிக்க நாடாளுமன்ற கூட்டுக் கூட்டத்தில் உரையாற்றுகிறார். அதோடு 23-ம் தேதி வாஷிங்டனில் இந்திய வம்சாவளியினரிடையே மோடி பேசுகிறார்.