தமிழ் சினிமாவில் முன்னணி நடிகராக திகழும் தனுஷ் தற்போது ராயன் மற்றும் குபேரா ஆகிய படங்களில் நடித்து வருகிறார். ரசிகர்களின் பெரும் எதிர்பார்ப்புக்கு மத்தியில் உருவாகும் இந்த இரு படங்களின் ஷூட்டிங்கும் விறுவிறுப்பாக நடைபெற்று வருகிறது.
இந்த படங்களை தொடர்ந்து நடிகர் தனுஷ் அடுத்ததாக பியார் பிரேமா காதல் மற்றும் தற்போது கவின் நடிக்கும் ஸ்டார் போன்ற படங்களை இயக்கி வரும் இயக்குனர் இளன் இயக்கத்தில் புதிய படம் ஒன்றில் நடிக்க இருப்பதாக தகவல் வெளியாகியுள்ளது.
இந்தப் படத்தை பட்ஜெட் காரணமாக பிற நிறுவனங்கள் தயாரிக்க தயக்கம் காட்டுவதால் தனுஷ் அவரே தயாரித்து இந்த படத்தில் நடிக்க இருப்பதாக தகவல் வெளிவந்துள்ளது. மேலும் காதல் படங்களை இயக்கி வரும் இளன் இயக்கத்தில் தனுஷ் நடிக்க இருப்பதால் அது கண்டிப்பாக காதல் திரைப்படமாகத்தான் இருக்கும் என்று எதிர்பார்க்கப்படுகிறது.
