வீட்டிற்குள் அத்துமீறி நுழைந்த வாலிபர்…. பெண் அளித்த புகார்…. கைது செய்த போலீஸ்….!!

வீடு புகுந்து பெண்ணை தாக்கிய வாலிபரை காவல்துறையினர் கைது செய்துள்ளனர்.

திருநெல்வேலி மாவட்டத்திலுள்ள ராஜவல்லிபுரம் பகுதியில் ராஜகோபால் என்பவர் வசித்து வருகிறார். இவரும் பாளையங்கோட்டை பகுதியில் வசிக்கும் ஒரு பெண்ணும் காதலித்து வந்துள்ளனர். ஆனால் 2 பேருக்கும் இடையே ஏற்பட்ட கருத்து வேறுபாடு காரணமாக பிரிந்து விட்டனர். இந்நிலையில் ராஜகோபால் பாளையங்கோட்டைக்கு சென்று அந்த பெண்ணின் வீட்டிற்குள் அத்துமீறி நுழைந்துள்ளார்.

இதனையடுத்து அங்கிருந்த அந்த பெண்ணை ராஜகோபால் சரமாரியாக தாக்கியுள்ளார். இதுகுறித்து அந்த பெண் பாளையங்கோட்டை தாலுகா காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் ராஜகோபாலை கைது செய்துள்ளனர்.

Leave a Reply

Your email address will not be published. Required fields are marked *