#TNBudget : ”3.15 மணி நேரம் வாசித்த OPS” 17ஆம் தேதிக்கு பேரவை ஒத்திவைப்பு …!!

தமிழக பட்ஜெட் தாக்கல் செய்த பின்பு பேரவையை 17ஆம் தேதிக்கு சபாநாயகர் ஒத்திவைத்தார்.

கடந்த ஜனவரி 6ஆம் தேதி தமிழக சட்டசபையின் இந்த ஆண்டுக்கான முதல் கூட்டம் தொடங்கியது. தமிழக ஆளுநர் பன்வாரிலால் புரோகித் உரையுடன் தொடங்கிய  இந்த கூட்டுத் தொடர் கவர்னர் உரைக்கு நன்றி தெரிவிக்கும் தீர்மானத்தின் மீதான விவாதத்தோடு 9ஆம் தேதியோடு நிறைவடைந்தது. இதைத்தொடர்ந்து 2020-2021-ம் ஆண்டுக்கான தமிழக பட்ஜெட்டை தாக்கல் செய்வதற்கான ஏற்பாடுகள் நடந்து வந்தன.

இதைத்தொடர்ந்து கடந்த மாதம் 20ஆம் தேதி முதல்-அமைச்சர் எடப்பாடி பழனிசாமி தலைமையில் நடந்த தமிழக அமைச்சரவை கூட்டத்தில், பட்ஜெட்டில் என்னென்ன புதிய அறிவிப்புகள் இடம்பெற வேண்டும்?, பட்ஜெட்டை எந்தத் தேதியில் தாக்கல் செய்ய வேண்டும்? போன்ற பல்வேறு விஷயங்கள் குறித்து ஆலோசிக்கப்பட்டதை தொடர்ந்து இன்று காலை 10 மணிக்கு துணை முதல்-அமைச்சரும், நிதி அமைச்சருமான ஓ.பன்னீர்செல்வம் பட்ஜெட்டை தாக்கல் செய்தார்.

பின்னர் 2020-20121ஆம் நிதியாண்டுக்கான பல்வேறு அறிவிப்புகளை அறிவித்த பன்னீர்செல்வம் 3.15 மணி நேரம் பட்ஜெட் உரையை வாசித்து முடித்தார்.அதன் பின்னர் சட்டப்பேரவையை 17ஆம் தேதிக்கு ஒத்திவைத்தார் சபாநாயகர் தனபால்.

Leave a Reply

Your email address will not be published. Required fields are marked *