கொல்கத்தா அணி 15 ஓவர் முடிவில் 118 /5 ரன்களுடன் விளையாடி வருகிறது.
12 ஐ.பி.எல் திருவிழாவின் 10-ஆவது லீக் போட்டியில் கொல்கத்தா நைட் ரைடர்ஸ் மற்றும் டெல்லி கேப்பிட்டல்ஸ் அணிகள் மோதுகின்றன. இவ்விரு அணிகளுக்கிடேயேயான போட்டிடெல்லியில் உள்ள பெரோஸ் ஷா கோட்லா மைதானத்தில் இன்று இரவு 8 மணிக்கு தொடங்கியது. இதில் டாஸ் வென்ற டெல்லி கேப்பிட்டல்ஸ் அணி கேப்டன் ஷ்ரேயஸ் ஐயர் பந்து வீச்சை தேர்வு செய்தார். இதையடுத்து கொல்கத்தா அணியின் தொடக்க வீரர்களாக கிறிஸ் லின்னும் , நாய்க்கும் களமிறங்கினர். நாய்க் மந்தமாக விளையாடி வந்த நிலையில் லமிச்சானே பந்து வீச்சில் 7 (16) ரன்களில் எல்.பி . டபுல்யூ முறையில் ஆட்டமிழந்தார்.
இதையடுத்து களமிறங்கிய ராபின் உத்தப்பா சிறிது நேரம் தாக்கு பிடித்தநிலையில் 11 ரன்களில் ஹர்சல் பட்டேல் பந்து வீச்சில் ஆட்டமிழந்தார். அதை தொடர்ந்து கிறிஸ் லின் 20 ரன்கள் எடுத்த நிலையில் ரபாடா பந்து வீச்சில் ஆட்டமிழந்தார். அதன் பின் களமிறங்கிய நிதிஷ் ராணாவும் 01 ரன்னில் ஹர்சல் பட்டேல் பந்து வீச்சில் ரபாடா வசம் பிடிபட்டார். இதையடுத்து சுப்மன் கில்லும் 2 ரன்னில் ஆட்டமிழக்க இதையடுத்து அதிரடி சூறாவளி ரஸெலும், தினேஷ் கார்த்திக்கும், சிறப்பாக விளையாடி ரன்களை உயர்த்தினர். இதையடுத்து ஹர்சல் பட்டேல் வீசிய 14 ஓவரில் ஒரு நோபால் வீச அது ரஸெல் தோள் பட்டையில் பட அவருக்கு காயம் ஏற்பட்டது. காயம் பட்டாலும் ரஸெல் களத்தில் விளையாடி வருகிறார்.தற்போது ரஸெல்34 (19) ரன்களும், தினேஷ் கார்த்திக் 39 (25) ரன்களுடனும் விளையாடி வருகின்றனர்.