ஹீரோ நிறுவனம் முதன் முதலாக பி.எஸ். மோட்டார் சைக்கிளை இந்திய சந்தையில் விற்பனைக்கு அறிமுகம் செய்ய உள்ளது.
ஹீரோ மோட்டோகார்ப் நிறுவனம் பி.எஸ்.6 மோட்டார் சைக்கிளை இந்தியாவில் அறிமுகம் செய்துள்ளது. இந்த ஹீரோ ஸ்பிளென்டர் பி.எஸ். 6 மோட்டார் சைக்கிள் புகை விதிகளுக்கு பொருந்தும் வகையில் உருவாக்கப்பட்டுள்ளது. மேலும், ஹீரோ மோட்டோகார்ப் நிறுவனம் இந்த ஆண்டு ஜூன் மாதத்தில் ஹீரோ ஸ்பிளென்டர் பி.எஸ். 6 மாடலை அறிமுகம் செய்தது.
இது ஹீரோ ஸ்பிளென்டர் பி.எஸ். 4 மாடலின் விலையை விட அதிகமாக இருக்கலாம் என கூறப்படுகிறது. அதன்படி புதிய பி.எஸ்.6 மாடலின் விலை 12 முதல் 15 சதவிகிதம் அதிகமாக இருக்கும் என எதிர்பார்க்கப்படுகிறது. இந்நிலையில் தற்சமயம் விற்பனையாகி வரும் ஹீரோ ஸ்பிளென்டர் ஐ-ஸ்மார்ட் விலை ரூ. 57,000 ஆகும்.
ஆகையால், ஹீரோ ஸ்பிளென்டர் பி.எஸ். 6 விலை ரூ. 66,000 (எக்ஸ்-ஷோரூம்) வரை இருக்கும் என எதிர்பார்க்கப்படுகிறது. மேலும், ஹீரோ ஸ்பிளென்டர் ஐ ஸ்மார்ட் மோட்டார் சைக்கிளில் 109சிசி சிங்கிள் சிலிண்டர் ஏர்-கூல்டு என்ஜின் கொடுக்கப்பட்டுள்ளது. இந்த என்ஜின் 9.3 பி.ஹெச்.பி. பவர், 9 என்.எம். டார்க் செயல்திறனை வழங்குகிறது. மேலும், இதனுடன் 4-ஸ்பீடு கியர்பாக்ஸ் வழங்கப்பட்டுள்ளது.