“விண்வெளி சுற்றுலாவிற்கு சென்ற 3-ஆம் குழு!”….. வெற்றிகரமாக அனுப்பிய ஜெப் பெசோஸ் நிறுவனம்….!!

ஜெப் பெசோஸ் நிறுவனம், 3- ஆம் குழுவின் விண்வெளி சுற்றுலா பயணத்தை வெற்றிகரமாக முடித்திருக்கிறது.
ஜெப் பெசோஸ் ராக்கெட் நிறுவனமானது, மனிதர்களை விண்வெளி சுற்றுலாவிற்கு அனுப்புகிறது. இந்நிலையில் இந்நிறுவனம், 6 பேர் உடைய 3-வது குழுவை வெற்றிகரமாக நேற்று விண்வெளி சுற்றுலாவிற்கு அனுப்பியிருக்கிறது. அதன்பின்பு, அவர்களை பாதுகாப்பாக, மீண்டும் தரையிறக்கியுள்ளது.
அமெரிக்காவின் முன்னாள் விண்வெளி வீரர் ஆலன் ஷெப்பர்டின் மகளான ஷெப்பர்ட் சர்ச்லி, இந்த விண்வெளி பயணத்தை மேற்கொண்டுள்ளார். விண்வெளிக்கு சுற்றுலா சென்ற இந்த குழுவினர், பூமியிலிருந்து சுமார் 62 மைல்கள் உயரத்திற்கு சென்றனர். அங்கு, விண்வெளியை பார்த்து ரசித்திருக்கிறார்கள்.
இவர்களுக்கான விண்வெளி பயண நேரம் சுமார் 11 நிமிடங்கள். அதன்பின்பு, அவர்கள் பாதுகாப்பாக பூமிக்கு வந்திறங்கினார்கள். இந்த பயணம் தொடர்பில் அவர்கள் தெரிவித்ததாவது, அதிக மகிழ்வுடன் பயணித்தோம். விண்வெளி மிகுந்த அழகுடன் இருந்தது. வித்தியாசமான அனுபவமாக இருந்ததாகவும் கூறியுள்ளனர்.

Leave a Reply

Your email address will not be published. Required fields are marked *