சுற்றுலா தலமாக மாறும் பிரபல கடற்கரை…பேரவையில் அமைச்சர் பேச்சு..!!

சீர்காழி பகுதிக்கு அருகில் இருக்கக்கூடிய  கொடியம்பாளையம் கடற்கரை தீவை சுற்றுலாத் தலமாக மாற்ற தமிழக அரசு  நடவடிக்கை எடுக்கும் என அமைச்சர் வெல்லமண்டி நடராஜன் தெரிவித்தார்.

நாகை மாவட்டம் பிச்சாவரம் அருகே தீவு போன்று காட்சியளிக்கும் கொடியம்பாளையம் கடற்கரை பகுதியை சுற்றுலா தலமாக அறிவிக்க தமிழக  அரசு நடவடிக்கை எடுக்குமா? என்று சட்ட பேரவை கூட்டத் தொடரின் கேள்வி நேரத்தில்  சீர்காழி தொகுதி MLA  கேள்வி எழுப்பினார்.

இதற்கு பதிலளித்த சுற்றுலா துறை  அமைச்சர் வெல்லமண்டி நடராஜன், கொடியம்பாளையம் கடற்கரை தீவானது, நாகப்பட்டினத்திலிருந்து 36 கி.மீ தொலைவில் வங்காள விரிகுடா கடல் நீர் சூழ்ந்து தீவு போன்று அழகாக காட்சியளிக்கிறது. அவ்விடத்தில் படகு குழாம் ஒன்றை ஏற்படுத்தி சுற்றுலாத்  தலமாக மாற்றுவதற்கு  பொதுப்பணி துறை, வனத்துறை உள்ளிட்ட பல்வேறு துறைகளுடன் ஆலோசனை மேற்கொண்டு வருவதாகவும்,முடிவுகள் எடுத்த பின்  மாவட்ட ஆட்சியரிடம் முறையான அறிக்கை பெற்று நடவடிக்கை மேற்கொள்ளப்படும் என்று அமைச்சர் தெரிவித்துள்ளார்.

Leave a Reply

Your email address will not be published. Required fields are marked *