வீட்டில் தனியாக இருந்த பெண்… கைவரிசையை காட்டிய மர்ம நபர்… ஈரோடு அருகே பரபரப்பு….!!

வீட்டில் தனியாக இருந்த பெண்ணிடம் தங்க சங்கிலி பறிக்கப்பட்ட சம்பவம் பரபரப்பை ஏற்படுத்தியுள்ளது. 

ஈரோடு மாவட்டத்தில் உள்ள கொளப்பலூர் பகுதியை சேர்ந்தவர் விஜயலட்சுமி(42).  இவர் நேற்று மதியம் வீட்டில் தனியாக இருந்துள்ளார். அப்போது மோட்டார் சைக்கிளில் வந்த மர்ம நபர் ஒருவர்  விஜயலட்சுமி வீட்டிற்குள் நுழைந்துள்ளார் . பின்னர் மாட்டு தரகர் வீடு எங்கே இருக்கிறது என்று கேட்டுள்ளார். விஜயலட்சுமி அதற்கு பதில் சொல்ல முயன்றபோது அந்த மர்மநபர் விஜயலட்சுமி கழுத்தில் அணிந்திருந்த 5 பவுன் தங்க சங்கிலியை பறித்துக் கொண்டுள்ளார்.

இதனால்  அதிர்ச்சியடைந்த விஜயலட்சுமி திருடன் திருடன் என்று கூச்சலிட்டுள்ளார்.  அவரது சத்தம் கேட்டு அக்கம் பக்கத்தினர் வருவதற்குள் மர்ம நபர் அவர் வந்த மோட்டார் சைக்கிளில் தப்பிச்சென்று தலைமறைவாகிவிட்டார்.  இதுகுறித்து விஜய லட்சுமி காவல் நிலையத்தில் புகார் அளித்தார். அவர் அளித்த புகாரின் பேரில் காவல்துறையினர் வழக்குப்பதிவு செய்து விஜயலட்சுமியிடமிருந்து தங்க சங்கிலியை பறித்து சென்ற கொள்ளையனை தீவிரமாக தேடி வருகின்றனர்.

Leave a Reply

Your email address will not be published. Required fields are marked *