வீட்டு பால்கனியில் நின்று விசில் அடித்தார்…. பெண் தொடுத்த வழக்கு…. நீதிமன்றம் அளித்த தீர்ப்பு…..!!!!!

வீட்டு பால்கனியில் நின்று விசில் அடித்து, பாலியல் துன்புறுத்தலில் ஈடுபட்டார் என எதிர் வீட்டுக்காரர்கள் மீது பெண் ஒருவர் வழக்குப்பதிவு செய்துள்ளார். மும்பை ஐகோர்ட்டின் அவுரங்காபாத் அமர்வு முன் இவ்வழக்கு விசாரணைக்கு வந்தது. அவற்றில், பெண் ஒருவரின் நன்னடத்தையை சீர்குலைக்கும் அடிப்படையில் நடந்து கொண்டனர் என குற்றச்சாட்டு கூறப்பட்டு இருந்ததற்கு எதிராக 3 நபர்கள் முன் ஜாமீன் கோரி இருந்தனர். இதை  நீதிபதிகள் விபா கன்கன்வாடி மற்றும் அபய் வாக்வேஸ் கொண்ட அமர்வு விசாரணை மேற்கொண்டது.

இவ்வழக்கில் லட்சுமண், யோகேஷ் மற்றும் சவீதா பாண்டவ் போன்றோரின் முன் ஜாமீன் மனுக்களை எஸ்.சி. மற்றும் எஸ்.சி. (வன்கொடுமை தடுப்பு) சட்டத்தின் கீழ் நிவாசா செசன்ஸ் நீதிபதி தள்ளுபடி செய்து உத்தரவு பிறப்பித்தார். இதற்கு எதிரான மேல் முறையீட்டு மனுவானது மும்பை ஐகோர்ட்டு அமர்வில் விசாரிக்கப்பட்டது. அவர்கள் 3 பேர் மீது பெண்ணை பின் தொடருதல், நீண்ட நேரம் உற்று நோக்குதல், அமைதியை குலைக்கும் அடிப்படையில் தூண்டி விடுதல் மற்றும் குற்றநோக்குடன் செயல்படுதல் போன்ற குற்றச்சாட்டுகள் சுமத்தப்பட்டன. கடந்த வருடம் மார்ச் 21 மற்றும் 23 போன்ற தேதிகளில் யோகேஷ் வீட்டு பால்கனியில் நின்றபடி விசில் அடித்ததுடன், தன் வாயை வைத்து அனைத்து வித சப்தங்களையும் எழுப்பியுள்ளார்.

யோகேஷ் வீட்டு சிசிடிவி கேமராவில் கூட, பெண்ணின் அனைத்து நடவடிக்கையையும் படம் பிடிக்கும் அடிப்படையில் உள்ளது என புகாரில் கூறப்பட்டு உள்ளது.  இது தொடர்பாக நீதிபதிகள் கூறியதாவது, ஒரு நபர் தன் வீட்டில் இருந்தபடி எழுப்பும் சத்தத்தின் அடிப்படையில் அப்பெண்ணுக்கு எதிராக பாலியல் ரீதியான உள் நோக்கத்துடன் அவர் செயல்படுகிறார் என்ற நேரடி முடிவுக்கு நாம் வந்து விட முடியாது என தெரிவித்தனர். இதற்கிடையில் பெண் சார்பில் ரகசிய நோக்கத்துடனேயே எஸ்.சி. மற்றும் எஸ்.சி. (வன்கொடுமை தடுப்பு) சட்டத்தின் கீழ் எப்ஐஆர் பதிவுசெய்யப்பட்டு உள்ளது என்பதற்கான போதிய சான்றுகள் நீதிமன்றத்தில் இருக்கிறது எனக்கூறி 3 பேருக்கும் முன் ஜாமீன் வழங்க அனுமதியளித்து உத்தரவிடப்பட்டுள்ளது.

Leave a Reply