ஹீரோ மோட்டோகார்ப் நிறுவனம் தற்போது இந்தியாவில் மேஸ்ட்ரோ எட்ஜ் 125 ஸ்கூட்டரை அறிமுகம் செய்துள்ளது. இதன் டிரம் பிரேக் மாடல் விலை ரூ.58,500-க்கும், (எக்ஸ்-ஷோரூம்) டிஸ்க் பிரேக் வேரியண்டின் விலை ரூ.62,700-க்கும் (எக்ஸ்-ஷோரூம்) நிர்ணயம் செய்யப்பட்டுள்ளது. ஹீரோ மேஸ்ட்ரோ எட்ஜ் 125 மாடலில் 125CC ஏர்-கூல்டு என்ஜின் வழங்கப்பட்டுள்ளது. இந்த என்ஜின் 8.7 PHP பவர் @6750 RPM, 10.2 NM டார்க் @5000 RPM செயல்திறன் வழங்குகிறது. இத்துடன் ஹீரோவின் i3S ஸ்டார்ட் ஸ்டாப் சிஸ்டம் வசதியும் கொண்டுள்ளது. இந்த மேஸ்ட்ரோ எட்ஜ் மாடலில் சஸ்பென்ஷனை பொருத்தவரை முன்புறம் டெலிஸ்கோபிக் ஃபோர்க் மற்றும் பின்புறம் மோனோஷாக் வழங்கப்பட்டுள்ளது.
மேலும் முன்புறம் டிஸ்க் பிரேக், பின்புறம் டிரம் பிரேக் வழங்கப்பட்டுள்ளது. இவை ஹீரோ இன்டகிரேட்டெட் பிரேக்கிங் சிஸ்டத்துடன் வழங்கப்பட்டுள்ளது. ஹீரோ மேஸ்ட்ரோ எட்ஜ் 125 முந்தைய மாடலை விட இந்த புதிய மாடலில் அதிகளவு ஸ்போர்ட் தோற்றம் கொண்டிருக்கிறது. இத்துடன் ஸ்கூட்டரின் முன்புற ஃபோர்க், ஸ்கூட்டரை விட காண்டிராஸ்ட் நிறத்தில் பெயின்ட் செய்யப்பட்டிருக்கிறது. ஸ்கூட்டரின் பக்கவாட்டில் i3s ஸ்டிக்கர் மற்றும் பின்புறம் மேஸ்ட்ரோ எட்ஜ் பேட்ஜிங் செய்யப்பட்டுள்ளது. பின்புறம் ஸ்ப்லிட் டெயில் லைட், க்ளியர் லென்ஸ் இன்டிகேஷன்கள் வழங்கப்பட்டுள்ளது.
