காணாமல் போன பாட்டி, பேத்தி…. 40 நாட்களுக்குப் பின்… அழுகிய நிலையில் சாக்குப்பையில் சடலமாக மீட்பு…!!

தென்காசி அருகே காணாமல் போன பாட்டி மற்றும் பேத்தி 40 நாட்களுக்கு பிறகு சடலமாக மீட்கப்பட்ட சம்பவம் பெரும் பரபரப்பை ஏற்படுத்தியது.

தென்காசி கீழப்புலியூர் சேர்ந்த உச்சிமாகாளி என்பவரது மனைவி கோமதி. இவரது பேத்தி சாக்ஸி. இவர்கள் இருவரும் கடந்த மாதம் 12ஆம் தேதி காணாமல் போயினர். பல்வேறு இடங்களில் குடும்பத்தினரும் தேடி கண்டுபிடிக்க முடியவில்லை. இதை  அடுத்து தென்காசி காவல் நிலையத்தில் புகார் அளித்தனர். புகாரின் பேரில் வழக்குப்பதிவு செய்து விசாரணை நடத்தி வந்த போலீசார் ஒரு மாதத்துக்கு மேலாகியும் அவர்கள் நிலை என்ன என்பதே தெரியவில்லை. இந்நிலையில் வேட்டைக்காரன் குலத்தை சேர்ந்த ஒருவர் மீது சந்தேகம் இருப்பதாக குடும்பத்தினர் போலீசாரிடம் தெரிவித்தனர்.

தகவலின் பேரில் அவரை பிடித்து விசாரணை நடத்தினர். இதில் பணப்பிரச்சினை இருந்ததாகவும், அடிக்கடி பணம் கேட்டு தொந்தரவு செய்தால் இவர்கள் இருவரையும் கடத்தி சென்று கொலை செய்து சாக்குமூட்டையில் கட்டி மத்தளம்பாறை அருகே முத்துமாலைபுரம் பகுதியில் வீசியதாக தெரிவித்தார். இதையடுத்து அங்கு சென்று பார்த்தபோது அழுகிய நிலையில் சாக்கு மூட்டைகளில் பாட்டி மற்றும் பேத்தி சடலங்கள் கண்டெடுக்கப்பட்டது.

பின்னர் அவற்றை பிரேத பரிசோதனைக்காக போலீசார் அரசு மருத்துவமனைக்கு அனுப்பி வைத்தனர். இதுகுறித்து வழக்குப்பதிவு செய்து தீவிர விசாரணை நடத்தி வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

Leave a Reply

Your email address will not be published. Required fields are marked *