எங்களுக்கு தகவல் வந்துச்சு…. தீவிர சோதனையில் அதிகாரிகள்…. போலீஸ் வலைவீச்சு….!!

வீட்டில் வெளிமாநில மது பாக்கெட்டுகளை பதுக்கி வைத்த குற்றவாளியை காவல்துறையினர் வலைவீசி தேடி வருகின்றனர்.

திருப்பத்தூர் மாவட்டத்தில் உள்ள பூசாரி வட்டம் பகுதியில் இருக்கும் ஒரு வீட்டில் கர்நாடக மது பாக்கெட்டுகள் பதுக்கி வைத்திருப்பதாக மதுவிலக்கு அமலாக்கப் பிரிவு காவல்துறையினருக்கு தகவல் கிடைத்துள்ளது. அந்த தகவலின் படி அப்பகுதிக்கு விரைந்து சென்ற மதுவிலக்கு அமலாக்கப் பிரிவு காவல்துறையினர் சரவணன் என்பவர் வீட்டில் மது பாக்கெட்டுகள் இருப்பதை கண்டுபிடித்துள்ளனர்.

அதன்பின் வருவாய் ஆய்வாளர் மற்றும் கிராம நிர்வாக அலுவலருக்கு தகவல் தெரிவிக்கப்பட்டு சம்பவ இடத்திற்கு வரவழைத்து வீட்டின் பூட்டை உடைத்து கதவை திறந்து உள்ளே சென்று பார்த்த போது 10 பெட்டிகளில் 450 மது பாக்கெட்டுகள் இருந்தது அதிகாரிகளுக்கு தெரியவந்துள்ளது. பின்னர் மது பாக்கெட்டுகளை அதிகாரிகள் பறிமுதல் செய்துள்ளனர். இதனைத் தொடர்ந்து மது பாக்கெட்டுகளை பதுக்கி வைத்த குற்றத்திற்காக சரவணன் மீது வழக்குப்பதிவு செய்து அவரை காவல்துறையினர் வலைவீசி தேடி வருகின்றனர்.

Leave a Reply

Your email address will not be published. Required fields are marked *