லாரி-ஆட்டோ மோதல்…. படுகாயமடைந்த 3 பேர்…. தென்காசியில் பரபரப்பு…!!

ஆட்டோ மீது லாரி மோதிய விபத்தில் 3 பேர் படுகாயமடைந்த சம்பவம் பரபரப்பை ஏற்படுத்தியுள்ளது.

விருதுநகர் மாவட்டத்தில் உள்ள சிவகாசியிலிருந்து பேப்பர் பண்டல்கள் ஏற்றிக்கொண்டு லாரி ஒன்று கேரளாவிற்கு புறப்பட்டுள்ளது. இந்த லாரியை சுரேஷ் என்பவர் ஓட்டி சென்றுள்ளார். இந்த லாரி தென்காசி மாவட்டத்திலுள்ள புளியங்குடி பகுதியில் சென்று கொண்டிருந்தது. அப்போது விவசாய கூலி ஆட்களை இறக்கி விட்டு ஆட்டோ ஓன்று சாலையோரம் நின்று கொண்டிருந்தது. இந்த ஆட்டோ ஓட்டுனரான கண்ணன் என்பவர் அதன் அருகில் நின்று கொண்டிருந்தார்.

இந்நிலையில் திடீரென கட்டுப்பாட்டை இழந்த லாரி சாலையோரம் என்ற ஆட்டோ மீது பலமாக மோதி விட்டது. இந்த விபத்தில் கண்ணன், லாரி டிரைவர் சுரேஷ், கிளீனர் கருப்பசாமி போன்றோர் படுகாயமடைந்து உயிருக்கு போராடி கொண்டிருந்தனர். இவர்களை அருகில் உள்ளவர்கள் மீட்டு அரசு மருத்துவமனைக்கு சிகிச்சைக்காக கொண்டு சென்றனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.

Leave a Reply

Your email address will not be published. Required fields are marked *