பிரதமர் பதவி ஏற்பு “டெல்லியியை நோக்கி தலைவர்கள்” பலத்த பாதுகாப்பு…!!

மோடி பதவியேற்பையடுத்து தலைநகர் டெல்லியில் பல்வேறு தலைவர்கள் குவிந்த வண்ணம் உள்ளதால் பாதுகாப்பு பலப்படுத்தப்பட்டுள்ளது.

பிரதமர் மோடி தலைமையிலான தேசிய ஜனநாயகக் கூட்டணி இன்று மாலை பதவி ஏற்க  இருக்கிறது.இந்த நிகழ்ச்சியில் மோடி மற்றும் புதிய அமைச்சர்களுக்கு குடியரசுத் தலைவர் ராம்நாத் கோவிந்த் பதவி பிரமாணமும் , ரகசிய காப்பு பிரமாணமும் செய்து வைக்கிறார். இன்று மாலை 7 மணிக்கு குடியரசு தலைவர் மாளிகையின் முகப்பு பகுதியில் இதற்கான பிரமாண்ட விழா ஏற்பாடு நடைபெற்று வருகின்றது.

பிரதமர் பதவி ஏற்பு க்கான பட முடிவு

பிரதமர் மோடி பதவி ஏற்பு விழாவில் சுமார் 6,500 பேர் வரை பங்கேற்க இருப்பதாக சொல்லப்படுகின்றது. இந்த பதவியேற்பு விழாவில் கலந்து கொள்ள விஐபிகள் , பல்வேறு மாநில முதலமைச்சர்கள்,  மாநில ஆளுநர்கள் , பல்வேறு கட்சியினுடைய தலைவர்கள் மற்றும் வெளிநாட்டு தலைவர்கள் என ஏராளமானவர்கள் தலைநகர் டெல்லியை நோக்கி வந்து கொண்டிருக்கிறார்கள். இதனால் தலைநகர்  டெல்லியில் பலத்த போலீஸ் பாதுகாப்பு ஏற்பாடு செய்யப்பட்டுள்ளது.