உலக சாம்பியனை வென்று…. அசத்திய இந்திய வீராங்கனை…. அடுத்தடுத்த சுற்றுகளுக்கு முன்னேற்றம்…!!

சர்வதேச குத்துச்சண்டை போட்டியில் உலக சாம்பியனை வீழ்த்தி இந்திய வீராங்கனை கால் இறுதிக்கு முன்னேறியுள்ளார்.

துருக்கி நாட்டில் உள்ள இஸ்தான்புல் நகரில் சர்வதேச குத்துச்சண்டை போட்டி நடைபெற்றுக் கொண்டிருக்கிறது. இந்த போட்டியில் பெண்களுக்கான 51 கிலோ எடை பிரிவில் இரண்டாவது சுற்றில் நடப்பு உலக சாம்பியனான ரஷ்யாவின் பால்ட்சிவா கேத்ரினாவை ஆசிய சாம்பியன்ஷிப் போட்டியில் வெண்கலப் பதக்கம் வென்ற இந்திய வீராங்கனை நிஹாத் ஜரீன் 5-0 என்ற கணக்கில் வீழ்த்தி கால் இறுதிக்கு முன்னேறி விட்டார்.

இதனையடுத்து 57 கிலோ எடை பிரிவில் துருக்கியின் சுர்மினெலி துக்சினாஸ்சை உலக சாம்பியன்ஷிப்பில் வெள்ளிப்பதக்கம் வென்ற இந்திய வீராங்கனை சோனியா லாதெர் 5-0 என்ற கணக்கில் வீழ்த்தி கால் இறுதிக்குள் நுழைந்துவிட்டார். இதனை தொடர்ந்து 60 கிலோ பிரிவில் துருக்கியின் ஜியோல் எஸ்ராவை வீழ்த்தி இந்திய வீராங்கனை பர்வீன்5-0 என்ற கணக்கில் வெற்றி பெற்று கால் இறுதிக்கு முன்னேறியுள்ளார்.

Leave a Reply

Your email address will not be published. Required fields are marked *