முன்பு சொன்ன பொய்யை மீண்டும் மீண்டும் சொன்னால் உண்மையாகிவிடுமா? என்று நடிகர் விஷாலுக்கு நடிகை ராதிகா கேள்வி எழுப்பி உள்ளார்.
இந்நிலையில் பாண்டவர் அணியினர் நடிகர் சங்க விவகாரம் குறித்து ஒரு வீடியோவை வெளியிட்டுள்ளார்கள். அதில் நடிகர் சரத்குமார் நடிகர் சங்க தலைவராக இருந்த போது எதையும் செய்யவில்லை என்றும், நடிகர் சங்கத்தில் அவர் முறைகேடாக செயல்பட்டார்கள் என்றும் பல்வேறு அடுக்கடுக்கான குற்றசாட்டை தெரிவித்தனர்.
இது குறித்து நடிகை ராதிகா இன்று வெளியிட்டுள்ள அறிக்கையில் , சரத்குமார் மீது மூன்றரை ஆண்டுகளுக்கு முன்பு கூறிய பழைய பல்லவியை வெட்கமே இல்லாமல் மீண்டும் வெளியிட்டுள்ளது பிச்சைக்காரன் வாந்தி எடுத்த மாதிரி வேடிகையாக இருக்கிறது. சரத்குமார் மீதான குற்றச்சாட்டுகளை இதுவரை நிரூபித்திருக்கிறீர்களா..? முன்பு சொன்ன பொய்யை மீண்டும் மீண்டும் சொன்னால் உண்மையாகிவிடுமா..? என்று கேள்வி எழுப்பியுள்ளார்.