இந்நிலையில் விருது வாங்கிய அடுத்த நாளே ரமேஷ் என்பவரிடம் காவலர் ரெட்டி ரூ 17,000 லஞ்சமாக வாங்கிய போது ஊழல் தடுப்புப் பிரிவினரிடம் கையும் களவுமாக சிக்கியுள்ளார். காவலர் ரெட்டி, ரமேஷ் என்பவரிடம் கடந்த சில மாதங்களாகவே லஞ்சம் கேட்டுள்ளார் அதற்கு அவர் தர மறுத்துள்ளார். தரவில்லை என்றால் பொய் வழக்கில் உன்னை உள்ளே தள்ளி விடுவேன் என காவலர் ரெட்டி மிரட்டியுள்ளார்.
இதையடுத்து நடந்தவற்றை ஊழல் தடுப்பு பிரிவுக்கு ரமேஷ் கூறியுள்ளார். அதன்படி ரமேஷ், காவலர் ரெட்டியிடம் 17 ஆயிரத்தை கொடுத்துள்ளார். அப்போது அதை வாங்கி பின் பாக்கெட்டில் ரெட்டி வைக்கும் போது கையும் களவுமாக அதிகாரிகள் பிடித்தனர். முதல் நாள் விருது வாங்கி, இரண்டாவது நாள் லஞ்சம் வாங்கிய போலீஸ்காரர் கைது செய்யப்பட்டிருப்பது வியப்பையும் அதிர்ச்சியையும் ஏற்படுத்தியுள்ளது.
