துருக்கியில் ஏற்பட்ட கொடூர வெடி விபத்து…. ஈராக்கின் எண்ணெய் குழாய் அடைப்பு…!!!

துருக்கியில் எண்ணெய் குழாயில் பயங்கர வெடி விபத்து ஏற்பட்டதாக தெரிவிக்கப்பட்டுள்ளது.
ஈராக் நாட்டின் கிர்குக்கின் என்ற பகுதியில் உள்ள எண்ணெய் வயல்களிலிருந்து, குழாய் மூலமாக துருக்கி நாட்டின் செயான் துறைமுகத்திற்கு கச்சா எண்ணெய் கொண்டு செல்லப்படுகிறது.
இந்நிலையில், துருக்கியின் கஹ்ராமன்மாராஸ் என்னும் மாகாணத்தில் இருக்கும் பசார்சிக் நகரத்திற்கு அருகில் கடந்த செவ்வாய்க்கிழமை அன்று மதியம் எண்ணெய் குழாயில் மிகப்பெரிய வெடி விபத்து ஏற்பட்டது.
இதில் தீப்பற்றி எரிந்தது. எனவே, பாதிப்பு ஏற்படாமல் இருக்க, அதற்கு முன்னதாகவே எண்ணெய் குழாய் அடைக்கப்பட்டது. மேலும், அப்பகுதியின்  நெடுஞ்சாலையும் அடைக்கப்பட்டது.
நல்ல வேலையாக இதில் எவருக்கும் காயம் ஏற்படவில்லை.
இது தொடர்பில், போட்டாஸ் என்ற குழாய்வழி எண்ணெய் நிறுவனம் தெரிவித்ததாவது, “எண்ணெய் குழாய் வெடிவிபத்தில் உண்டான தீ அணைக்கப்பட்டது. உரிய நடவடிக்கைகள் மேற்கொண்ட பின் விரைவில் செயல்பாடுகள் தொடங்கப்படும்” என்று கூறியிருக்கிறது. இது குறித்த விசாரணை மேற்கொள்ளப்பட்டு வருகிறது.

Leave a Reply

Your email address will not be published. Required fields are marked *