கிசான் அட்டை மூலம் கடன் பெறும் விவசாயிகளுக்கு வட்டி மானிய திட்டம் நீட்டிப்பு….. மத்திய அரசு வெளியிட்ட முக்கிய அறிவிப்பு….!!!!!

இந்தியாவில் விவசாயம், கால்நடை பராமரிப்பு, பால் பண்ணை, மீன்வளம், தேனீ வளர்ப்பு போன்ற தொழில்களில் ஈடுபடும் விவசாயிகளுக்கு கிசான் கடன் அட்டைகள் வழங்கப்படுகிறது. இந்த கடன் அட்டைகள் மூலமாக 3 லட்ச ரூபாய் வரை 7 சதவீத வட்டியில் விவசாயிகளுக்கு கடன் வழங்கப் படுகிறது. அதன்பிறகு நிலுவைத் தொகையை சரியான நேரத்தில் செலுத்தும் விவசாயிகளுக்கு 3 சதவீதம் வரை வட்டி தள்ளுபடி செய்யப்படுகிறது. இப்படி தள்ளுபடி செய்யப்படும் வட்டிக்கான மானியத்தை மத்திய அரசு வங்கிகளில் செலுத்தி விடும்.

இந்த வட்டி மானிய திட்டத்தை தற்போது 2022-23 மற்றும் 2023-24 வரை தொடர்வதற்கு மத்திய அரசு ஒப்புதல் வழங்கியுள்ளது. இந்த கடன்களுக்கான வட்டி மானிய விகிதமானது 1.5 சதவீதமாக இருக்கும் என மத்திய அரசு தெரிவித்துள்ளது. இது கடந்த நிதி ஆண்டில் 2 சதவீதமாக இருந்தது. இந்நிலையில் விவசாயிகள் வட்டி மானியத்தை எவ்வித தடையும் இன்றி பெறுவதற்கு வங்கிகள் உறுதுணையாக இருக்க வேண்டும் எனவும், திட்டத்தில் பயன்பெறும் விவசாயிகள் ஆதார் அட்டையை இணைத்திருப்பது கட்டாயம் எனவும் ரிசர்வ் வங்கி அறிவித்துள்ளது. மேலும் இது தொடர்பாக அனைத்து வங்கிகளுக்கும் ரிசர்வ் வங்கியானது சுற்றரிக்கை அனுப்பியுள்ளது.

Leave a Reply