இது பாஜக-வின் சந்தர்ப்பவாதம்…! விவசாயிகள் ஏற்கமாட்டாங்க… கே.எஸ் அழகிரி விமர்சனம் ..!!

பாஜக தலைமையிலான மத்திய அரசு தொடர்ந்து 2-ஆவது முறையாக ஆட்சி பொறுப்பேற்றது. பிரதமர் மோடி மீண்டும் பிரதமராக தொடர்ந்த நிலையில் மத்திய அரசு 3 வேளாண் சட்டங்களை கொண்டு வந்தது. இந்த சட்டத்தை ரத்து செய்ய வேண்டும் என விவசாயிகள் போராட்டம் நடத்தினர். நாளுக்குநாள் இந்த போராட்டத்திற்கு அரசியல் தலைவர்கள், சினிமா பிரபலங்கள், மாணவர்கள் என ஆதரவு பெருகிகொண்டே சென்ற நிலையில் மத்திய அரசு தொடர்ந்து சட்டத்தை நிறைவேற்றும் முயற்சிகளில் ஈடுபட்டது.

1 ஆண்டுக்கு மேலாக நடந்த இந்த போராட்டத்தில் 100-க்கும் மேற்பட்டோர் உரிழந்ததாக சொல்லப்படுகின்றது. இதனையடுத்து இன்று காலை மக்களிடம் பேசிய பிரதமர் மோடி 3 வேளாண் சட்டங்களையும் வாபஸ் பெறுவதாக அறிவித்தார். வரும் பார்லிமென்ட்  குளிர்கால கூட்டத்தொடரில் இந்த வேளாண் சட்டங்களும் திரும்பப் பெறப்படுவதாக பிரதமர் மோடி அறிவித்ததற்கு பல்வேறு அரசியல் தலைவர்களும் தங்கள் கருத்துகளை தெரிவித்துள்ளனர்.

இதுகுறித்து கருத்து தெரிவித்த தமிழக காங்கிரஸ் தலைவர் கே.எஸ்.அழகிரி, இடைத்தேர்தல்களுக்கு முன்பாகவே இதனை ரத்து செய்திருந்தால் ஏற்றுக்கொள்ளலாம். ஆனால், இடைத்தேர்தல்களில் தோல்வியடைந்த பிறகு இந்த முடிவு எடுத்துள்ளது மத்திய அரசின் சந்தர்ப்பவாதத்தையே காட்டுகிறது. விவசாயிகள் இதனை ஏற்கமாட்டார்கள் என கூறினார்.

Leave a Reply

Your email address will not be published. Required fields are marked *