திமுக கூட்டணி போட்டியிடும் தொகுதிகளின் உத்தேச பட்டியல் வெளியாகியுள்ளது….!!

திமுக மற்றும் அதன் தலைமையிலான கூட்டணி கட்சிகள் போட்டியிடும் தொகுதிகளின் உத்தேச பட்டியல் வெளியாகியுள்ளது.

திமுக தலைமையிலான கூட்டணி கட்சிகள் போட்டியிடும் தொகுதி பட்டியலானது நேற்றைய தினமே இறுதி செய்யப்பட்டுவிட்டது . தொடர்ச்சியாக காங்கிரஸ் கட்சி மட்டுமே இறுதி செய்யப்படாத நிலையில் நேற்று நடந்த மூன்றாவது கட்ட பேச்சுவார்த்தையில் எந்தெந்த தொகுதியில் காங்கிரஸ் போட்டியிடுகின்றது என்று இறுதிக்கட்டத்தை எட்டிவிட்டது .

இந்நிலையில் இன்று காலை 11 மணிக்கு திமுக தலைவர் முக.ஸ்டாலின் அண்ணா அறிவாலயத்தில் முறைப்படி கூட்டணி கட்சிகளுடன் அதிகாரபூர்வமாக அறிவிக்க இருக்கின்றார் .இந்நிலையில் திமுக மற்றும் திமுக கூட்டணி கட்சிகள் போட்டியிடும் தொகுதிகளின் உத்தேச பட்டியல் வெளியாகியுள்ளது .

அதில் , திமுக போட்டியிடும் 20 தொகுதிகளாக தென் சென்னை , மத்திய சென்னை , வடசென்னை , ஸ்ரீபெரும்புதூர் , காஞ்சிபுரம் (தனி) ,  அரக்கோணம் , ஆரணி , திருவண்ணாமலை , வேலூர் , தருமபுரி  , நீலகிரி , தேனி , பொள்ளாச்சி , திண்டுக்கல் , தஞ்சை , மயிலாடுதுறை , தூத்துக்குடி , நெல்லை , தென்காசி (தனி) , கள்ளக்குறிச்சி , கடலூர் . காங்கிரஸ் கட்சி போட்டியிடும் 10 தொகுதிகளாக கன்னியாகுமரி  ,சிவகங்கை , விருதுநகர் , கிருஷ்ணகிரி , கரூர் , திருச்சி , தேனி , சேலம் , திருவள்ளுவர் (தனி) ,  புதுச்சேரி . விடுதலைச்சிறுத்தைகள் கட்சி போட்டியிடும் தொகுதிகள்  சிதம்பரம் (தனி) , விழுப்புரம் (தனி) . மார்க்சிஸ்ட் போட்டியிடும் தொகுதிகள் மதுரை , கோவை . இந்திய கம்யூனிஸ்ட் போட்டியிடும் தொகுதிகள் நாகை (தனி) ,  திருப்பூர் . மதிமுக போட்டியிடும் தொகுதிகள் ஈரோடு . இந்தியன் யூனியன் முஸ்லிம் லீக் ராமநாதபுரம் . கொங்கு மக்கள் தேசிய கட்சி சார்பில் நாமக்கல் மற்றும் ஐ.ஜே.கே கட்சி பெரம்பலூர் தொகுதியில் போட்டியிட இருப்பதாக உத்தேச தொகுதி பட்டியல் வெளியாகியுள்ளது.