சென்னையில் முதலமைச்சர் அலுவலக பணியாளர்களுக்கு கொரோனா பரிசோதனை!

முதலமைச்சர் அலுவலக பணியாளர்களுக்கு கொரோனா பரிசோதனை நடைபெற்று வருகிறது.

சென்னையில் நாளுக்கு நாள் கொரோனா பாதிப்பானது அதிகரித்து வரும் நிலையம், முதலமைச்சர் பழனிசாமி அலுவலக தனிச்செயலாளர் தாமோதரன் கொரோனா பாதிப்பால் உயிரிழந்துள்ளார். கடந்த சில நாட்களுக்கு முன்னர் தாமோதரனுக்கு கொரோனா பாதிப்பு உறுதி செய்யப்பட்ட நிலையில் ராஜீவ்காந்தி அரசு மருத்துவமனையில் சிகிச்சை பெற்ற வந்தார்.

இந்த நிலையில் நேற்று சிகிச்சை பலனின்றி உயிரிழந்தார். இதனையடுத்து முதலமைச்சர் அலுவலக பணியாளர்களுக்கு கொரோனா பரிசோதனை நடைபெற்று வருகிறது. அதிகாரிகள் முதல் அலுவலர்கள் வரை அனைவருக்கும் பரிசோதனை நடந்து வருகிறது. முதலமைச்சர் அலுவலக தனி செயலாளர் நேற்று உயிரிழந்ததை தொடர்ந்து அனைவருக்கும் சோதனை நடைபெற்று வருவதாக தகவல் அளித்துள்ளனர். இதில் கொரோனா இருப்பது உறுதி செய்யப்பட்டால் அவர்கள் மருத்துவமனையில் அனுமதிக்கப்பட்டு அவருடன் தொடர்புடையவர்களு நடைபெறும் என தகவல் வெளியாகியுள்ளது.