“வசனங்கள் இல்லாத மௌனப்படம்” நடிகர் விஜய் சேதுபதி படத்தின் டீசர் வெளியீடு…. செம வைரல்….!!!!

தமிழ் சினிமாவில் முன்னணி நடிகராக வலம் வருபவர் விஜய் சேதுபதி. இவர்‌ ஹீரோ, வில்லன், குணச்சத்திர கதாபாத்திரம் என எந்த வேடம் ஏற்றாலும் அதற்கு தகுந்த மாதிரி தன்னை மாற்றிக் கொண்டு கச்சிதமாக நடிப்பார். இவர் நடிப்பில் சமீபத்தில் வெளியான விக்ரம், காத்து வாக்குல ரெண்டு காதல் மற்றும் மாமனிதன் திரைப்படங்கள் நல்ல வரவேற்பை பெற்றது. இவர் தற்போது காந்தி டாக்ஸ் என்ற திரைப்படத்தில் நடித்துள்ளார்.

இந்த படத்தில் நடிகை அதிதி மற்றும் நடிகர் அரவிந்த்சாமி போன்றோர் முக்கிய வேடத்தில் நடித்துள்ளனர். இந்த படம் பிளாக் காமெடி ஜானரில் உருவாக்கப்பட்டுள்ளது. ஏ.ஆர் ரகுமான் இசையமைத்துள்ள காந்தி டாக்ஸ் திரைப்படத்தை, ஜி ஸ்டூடியோஸ் நிறுவனம் தயாரித்துள்ளது. இந்தப் படத்தை கிஷோர் பி. பெலேகர் இயக்கியுள்ளார். இந்நிலையில் காந்தி டாக்ஸ் திரைப்படத்தை வசனங்கள் இன்றி உணர்ச்சிகளை மட்டும் மையப்படுத்தி எடுத்துள்ளனர். ‌ மேலும் இந்த படத்தின் டீசர் வீடியோ நேற்று வெளியாகி வருகிறது.