திமுக ஐடி விங் மாநில துணைச் செயலாளர் திவ்யா சத்யராஜ் தேர்தல் பிரசாரத்தில் ஈடுபட்டிருந்தபோது, தமிழக வெற்றிக் கழகத்தைச் (தவெக) சேர்ந்தவர்கள் அவர் மீது செருப்பு வீசித் தாக்கியதாகக் கூறப்படும் சம்பவம் பெரும் பரபரப்பை ஏற்படுத்தியுள்ளது. இந்தத் தாக்குதல் குறித்துக் கடும் கண்டனம் தெரிவித்துள்ள திவ்யா சத்யராஜ், பெண்கள் தங்கள் கருத்துகளைச் சொல்வதற்காக இதுபோன்று தாக்கப்படுவதை ஒருபோதும் ஏற்க முடியாது என்று கூறியுள்ளார்.
தவெக தலைவர் விஜய், தனது தொண்டர்களுக்குப் பெண்களை மதிக்கக் கற்றுக்கொடுக்க வேண்டும் என்று அவர் வலியுறுத்தியுள்ளார். மேலும், “எல்லா பெண்களைப் போலவே விஜய்யின் மனைவி சங்கீதா அவர்களுக்கும் உரிய மரியாதை கிடைக்க வேண்டும்” என்று குறிப்பிட்ட அவர், அரசியல் நாகரிகத்தைப் பேண வேண்டியது அவசியம் எனத் தனது அறிக்கையில் தெரிவித்துள்ளார்.
