தஞ்சாவூரில் நடைபெற்ற அமமுக-வின் கண்டன ஆர்ப்பாட்டத்தில் பேசிய அக்கட்சியின் பொதுச்செயலாளர் டிடிவி தினகரன், ஓ.பன்னீர்செல்வத்தின் சமீபகால அரசியல் மாற்றங்களை மிகக் கடுமையாக விமர்சித்துள்ளார். அதிமுகவில் இருந்தபோது முதலமைச்சர், அமைச்சர் என அனைத்துப் பதவி சுகங்களையும் அனுபவித்துவிட்டு, இப்போது இந்த வயதில் திமுகவில் அடைக்கலம் புகுந்துள்ள ஓபிஎஸ்-இன் செயல் தேவையி
ல்லாத ஒன்று என்று அவர் சாடினார்.

​”அதிமுகவில் இருந்தபோது டாடா, பிர்லா அளவுக்குத் தனது பொருளாதாரத்தை ஈட்டிவிட்ட ஓபிஎஸ், தற்போது திமுகவின் ஆதரவைப் பெற்று அங்கு சென்றிருக்கிறார்” என்று டிடிவி தினகரன் பகிரங்கமாகக் குற்றம் சாட்டியுள்ளார். அதிமுகவில் உயர் பதவிகளை வகித்துவிட்டு, இப்போது கொள்கை மாறுபட்டு திமுக பக்கம் சாய்ந்துள்ள ஓபிஎஸ்-இன் இந்த முடிவு அரசியல் வட்டாரத்தில் தர்மசங்கடத்தை ஏற்படுத்தியுள்ளதாக அவர் தெரிவித்தார். டிடிவி தினகரனின் இந்த ஆவேசமான பேச்சு தற்போது அதிமுக மற்றும் அமமுக தொண்டர்களிடையே காட்டுத்தீயாகப் பரவி வருகிறது.