சிறுவர்கள் எப்போதும் பெரியவர்களின் செயல்களைப் பின்பற்றுவதில் அதிக ஆர்வம் காட்டுவார்கள் என்பதற்குச் சான்றாக, தந்தை நடப்பதைப் போன்றே பாவனை செய்த சிறுவனின் சுவாரசியமான வீடியோ ஒன்று இணையதளங்களில் வெளியாகிப் பலரது கவனத்தை ஈர்த்துள்ளது. அந்த வீடியோவில், ஒரு சிறுவன் தனது தந்தையின் பருமனான வயிற்றைப் பிரதிபலிக்கும் வகையில் சட்டையினுள் தலையணையை வைத்துக் கொண்டு, கைகளை இடுப்பில் வைத்தபடி மெதுவாக நடந்து காட்டுகிறார்.
View this post on Instagram
இதைப் பார்த்த அவனது தாய் நகைச்சுவையாக அவரிடம் நீ கர்ப்பமாக இருக்கிறாயா என்று கேட்க, அதற்கு அந்தச் சிறுவன் தான் ஒரு ஆண் பிள்ளை என்றும் ஆண்களால் கர்ப்பமடைய முடியாது என்றும், தான் தனது தந்தையைப் போல மட்டுமே நடித்துக் காட்டுவதாகவும் அறிவுப்பூர்வமாகப் பதிலளித்துள்ளார்.
தனது வயதுக்கு மீறிய புரிதலுடன் அந்தச் சிறுவன் அளித்த இந்தப் பதில் அங்கிருந்தவர்களைச் சிரிக்க வைத்ததுடன், சமூக வலைதளங்களிலும் 7 லட்சத்திற்கும் அதிகமான விருப்பங்களைப் பெற்று வைரலாகி வருகிறது. மழலை மாறாத அந்தச் சிறுவனின் சமயோசித பேச்சைக் கண்டு நெட்டிசன்கள் பலரும் தங்களது வியப்பைத் தெரிவித்து வருகின்றனர்.
