புதுச்சேரியின் முன்னாள் போக்குவரத்துத் துறை அமைச்சர் மற்றும் நெடுங்காடு தொகுதி எம்.எல்.ஏ.யான சந்திரபிரியங்கா, சமீபத்தில் வெளியிட்ட 12 நிமிட வீடியோவில் பரபரப்பான குற்றச்சாட்டுகளை முன்வைத்துள்ளார்.

காரைக்கால் பிராந்தியத்தில் 2021 சட்டமன்ற தேர்தலில் என்.ஆர். காங்கிரஸ் கட்சி சார்பில் போட்டியிட்டு வெற்றி பெற்ற இவர், பின்னர் அமைச்சரவையில் ஒரே பெண் அமைச்சராக பொறுப்பு வகித்திருந்தார். ஆனால் ஓராண்டுக்கு முன்பு திடீரென பதவியிலிருந்து நீக்கப்பட்டார். தற்போது மட்டும் எம்.எல்.ஏ. பதவியில் இருந்து சமூக சேவையைத் தொடர்ந்துவருகிறார்.

அவரது வீடியோவில், காரைக்காலில் நடைபெற்ற ஒரு கட்அவுட் சம்பவம் தொடர்பாக அவருக்கு நீதிமன்ற சம்மன் வந்ததாகவும், அந்த கட்அவுட்டில் புகைப்படம் இருந்ததனால் தன்னை விசாரணைக்கு அழைத்துள்ளனர் என்றும் தெரிவித்தார். இந்த கட்அவுட் சம்பவத்துக்குப் பின்னால் ஆளுங்கட்சியைச் சேர்ந்த ஒரு அமைச்சர் இருப்பது நிச்சயமெனவும், கடந்த காலங்களில் தன்னிடம் டார்ச்சர் கொடுத்ததுடன், தற்போது கூட அவரிடம் தொல்லை அளித்து வருவதாகக் கூறியுள்ளார்.

“>

மேலும், தனது போன் பேச்சுகளை பதவியின் ஆளுமையால் அழித்துத் தேடும் முயற்சிகளும், வீட்டுப் பாதையில் உளவாளிகளை நியமித்திருப்பதும் நிச்சயம் எனக் குற்றம்சாட்டியுள்ளார்.

மேலும், உயர் அதிகாரிகளைச் சந்தித்தபோது, சொத்துகளை வேறு பெயரில் மாற்றிக்கொள்ளலாம் எனக் கூறியதாகவும், இது போன்று ஒரு முன்னாள் அமைச்சர் மற்றும் தற்போதைய எம்.எல்.ஏ.யாகிய தன்னிடம் நடக்கிறது என்றால், சாதாரண மக்களுக்கு நிலைமை எப்படி இருக்கும் என கேள்வி எழுப்பினார்.

“மக்கள் தான் நம் முதலாளிகள், அவர்களுக்கு சேவை செய்யுங்கள். நான் பெண்னு கேலி பண்ணாதீங்க. இன்னும் 8 மாதம் தான் தேர்தல் இருக்கு, என் வேலையை பண்ணவிடுங்க, நீங்கள் வாழுங்கள், என்னையும் வாழவிடுங்கள்,” என கடும் உருக்கத்துடன் பதிவு செய்திருக்கிறார். அவரது இந்த உணர்ச்சி கூர்ந்த வீடியோ தற்போது புதுச்சேரி அரசியலில் பெரும் அதிர்வலை ஏற்படுத்தி வருகிறது.