இந்தியாவில் பெரும்பாலும் கிரிக்கெட்டுக்கே முக்கியத்துவம் அளிக்கப்படும் சூழலில், ஹாக்கி போன்ற விளையாட்டுகள் அதிகம் பேசப்படுவதில்லை. இந்நிலையில், ஆசிய ஹாக்கி கோப்பை தொடரில் இந்திய அணியின் வெற்றி ஆச்சரியத்தையும் பெருமையையும் ஒரே நேரத்தில் ஏற்படுத்தியுள்ளது. தொடர் ஆட்டத்தில் சீனாவுடன் மோதிய இந்திய அணி, கடும் சவாலான நேரத்தில் சிறப்பாக பதிலடி கொடுத்து 4–3 என்ற கணக்கில் வெற்றி பெற்று ரசிகர்களை மகிழ்வித்தது.

இந்த ஆட்டத்தில் இந்திய அணி சார்பாக கேப்டன் ஹர்மன்பிரீத் சிங் ஹாட்ரிக் கோல் அடித்து அணியின் வெற்றிக்கு முக்கிய காரணமாக இருந்தார். அவரது அதிரடி  ஆட்டம் மூலம் இந்தியா முடிவில் முன்னிலை பெற்றது. ஆட்டநாயகன் விருதைத் தட்டி பெற்ற ஹர்மன்பிரீத் சிங், “இந்த வெற்றி தொடரின் நம்பிக்கையை உயர்த்தும்” என தெரிவித்தார். இந்த வெற்றியுடன் தொடரில் இந்திய அணிக்கு வலுவான துவக்கம் கிடைத்துள்ளது என்பது குறிப்பிடத்தக்கது.