வேண்டவே வேண்டாம்…. ! நைட் 10 மணிவரை டாஸ்மாக்… கோர்ட்டுக்கு போன ஊழியர்கள் ..!!

தமிழகத்தில் மதுபான விற்பனை நேரம் மாற்றப்பட்டதை எதிர்த்து டாஸ்மாக் விற்பனையாளர்கள் சங்கம் சென்னை உயர்நீதிமன்றத்தில் வழக்கு தொடர்ந்துள்ளது.

தமிழகத்தில் டாஸ்மாக் மதுபானக் கடைகளின் பணி நேரம் காலை 10 மணி முதல் மாலை 8 வரை இருந்தததை, பகல் 12 மணி முதல் இரவு 10 மணி வரை மாற்றி, கடந்த 2ஆம் நாள் டாஸ்மாக் நிறுவனம் உத்தரவு பிறப்பித்துள்ளது. இந்த அறிவிப்பை எதிர்த்து தமிழ்நாடு டாஸ்மாக் விற்பனையாளர்கள் நலச்சங்கம் சார்பில் மனு தாக்கல் செய்யப்பட்டுள்ளது.

அதில் தொழில் தகராறு சட்டப்பிரிவு 9 உட்பிரிவு ஏ-ன் கீழ் தொழிற்சங்க சட்டத்தின்படி வேலை நேரம் மாற்றம் தொடர்பாக அங்கீகரிக்கப்பட்ட சங்களுக்கு 21 நாட்களுக்கு முன்னதாக முன்னறிவிப்பு கொடுக்கப்பட வேண்டும் என்று விதி உள்ளதாக தெரிவித்துள்ளனர்.

எந்த ஒரு முன்னறிவிப்பும் இல்லாமல் தன்னிச்சையாக வேலை நேரம் மாற்றப்பட்டுள்ளதாகவும், இது சட்ட விரோதம் எனவும், இந்த அறிவிப்பை ரத்து செய்ய வேண்டும் எனவும், கேட்டுக் கொண்டுள்ளனர். மேலும் இரவு 10 மணி என்பது மக்கள் நடமாட்டம் குறைவான நேரம் என்பதால் பணப்புழக்கம் உள்ள டாஸ்மாக் கடைகளில் உள்ள பணியாளர்களுக்கு பாதுகாப்பற்ற நிலை உள்ளதாகவும் சுட்டிக்காட்டியுள்ளனர்.

Leave a Reply

Your email address will not be published. Required fields are marked *