விடுதலைச் சிறுத்தைகள் கட்சியின் தலைவர் தொல் திருமாவளவன் சில படங்களில் ஹீரோவாக நடித்துள்ளார். அதன்படி கடந்த 2007 ஆம் ஆண்டு வெளியான அன்பு தோழி என்ற திரைப்படத்தில் ஹீரோவாக நடித்துள்ள திருமாவளவன் அதன்பிறகு கடந்த 2011 ஆம் ஆண்டு வெளியான மின்சாரம் திரைப்படத்தில் முதலமைச்சராக நடித்துள்ளார். இந்நிலையில் விடுதலைச் சிறுத்தைகள் கட்சியின் எம்எல்ஏ ஆளூர் ஷாநவாஸ் நடிகர் விஜயை கூத்தாடி என்று விமர்சித்திருந்தார். அதாவது விடுதலைச் சிறுத்தைகள் கட்சியின் தலைவர் தொல் திருமாவளவன் அம்பேத்கர் நூல் வெளியீட்டு விழாவில் திமுக அழுத்தம் கொடுத்ததால் தான் கலந்து கொள்ளவில்லை என்று விஜய் கூறிய நிலையில், ஆளூர் ஷாநவாஸ் திருமாவளவனை கூட்டணிகளின் கட்டுப்பாட்டில் சிக்கி கிடப்பவர் என்று விஜய் கூறியது அபத்தமானது மற்றும் அவலமானது. இது கண்டிக்கத்தக்க பேச்சு.

திருமாவளவனை பற்றி கருணாநிதியோ அல்லது ஜெயலலிதாவோ அல்லது இன்றைக்கு இருக்கக்கூடிய முதல்வரோ அப்படி சொன்னது கிடையாது. அவர்களுக்கு முரணான கருத்துக்களை திருமாவளவன் சொன்னபோது கூட கொள்கை அடிப்படையில் பேசுகிறார் என்று முதல்வர் கூறினார். திருமாவளவன் கருணாநிதியுடன் எத்தனையோ விஷயங்களில் முரண்பட்டு இருக்கிறார். ஜெயலலிதா திருமாவளவன் நம் கூட்டணியில் இல்லாவிடிலும் எங்கிருந்தாலும் வாழ்க என்று கூறியுள்ளார். யார் இந்த விஜய் எப்படி எங்கள் தலைவரை கொச்சைப்படுத்தலாம்.

எங்கள் தலைவர் சுயமாக முடிவெடுக்கக்கூடிய அறிவார்ந்த தலைவர் என்பது இந்த உலகத்திற்கு தெரியும் நிலையும் 35 வருடங்களாக பத்திரிகையாளர்கள் அவரை பார்க்கும் நிலையில் யாரையாவது அவர் எழுதி வைத்து படித்தார் என்று சொல்ல சொல்லுங்கள் பார்ப்போம். நேற்று வந்த கூத்தாடி இப்படி பேசலாமா. அதை அனுமதிக்க முடியுமா. திமுக கட்டுப்பாட்டில் இருக்கிறார் திருமாவளவன் என்று எப்படி விஜய் கூறலாம் என்று ஆவேசமாக கூறினார்.

இந்நிலையில் விஜயை கூத்தாடி என்று அவர் விமர்சித்த நிலையில் தற்போது திருமாவளவன் நடித்த படங்கள் தொடர்பான வீடியோவை தமிழக வெற்றி கழகத்தின் ஆதரவாளர்கள் பகிர்ந்து விஜய் கூத்தாடி என்றால் அப்ப இது யாரு பவர் ஸ்டாரா என்று விளாசி வருகிறார்கள். மேலும் இதோ அந்த வீடியோ,