முத்துராமலிங்கத்தேவரின் குருபூஜை… பொதுமக்களுக்கு தடை… ஆட்சியர் வெளியிட்ட தகவல்…!!

பசும்பொன் முத்துராமலிங்கத்தேவரின் குருபூஜையில் பங்கேற்ற விருப்பமுள்ள அரசியல் கட்சி தலைவர்கள் அரசு அறிவித்துள்ள இணையத்தில் விண்ணப்பிக்கலாம்.

ராமநாதபுரம் மாவட்ட ஆட்சியர் அலுவலகத்தில் அனைத்துத்துறை அலுவலர்கள், சமுதாய தலைவர்கள் மற்றும் பிரதிநிதிகளுடன் ஆட்சியர் தலைமையில் ஆலோசனை கூட்டம் நடைபெற்றுள்ளது. இந்நிலையில் வருகின்ற 28ஆம் தேதி முதல் 30ஆம் தேதி வரை கமுதியில் பசும்பொன் முத்துராமலிங்கதேவர் குருபூஜை நடைபெறவுள்ளது. இதனையடுத்து கொரோனா 3ஆம் அலை முன்னெச்சரிக்கை குறித்து இந்த குருபூஜை நிகழ்ச்சியில் பொதுமக்களுக்கும், வெளிமாவட்டங்களை சேர்ந்தவர்களுக்கு அனுமதி மறுக்கப்பட்டுள்ளது.

இதனைதொடர்ந்து நிகழ்ச்சியில் பதிவு பெற்ற அரசியல் கட்சி தலைவர்கள் மற்றும் பிரதிநிதிகள் 5 பேருக்கு மிகாமல் ஆட்சியரின் அறிவுறுத்தலின் படி சமூக இடைவெளியை கடைபிடித்து கலந்துகொள்ள வேண்டும். மேலும் நிகழ்ச்சியில் கலந்துகொள்ள விரும்பும் அரசியல் கட்சி தலைவர்கள், அமைப்புகளின் தலைவர்கள் மற்றும் பிரதிநிதிகள் ஆகியோர் ஆட்சியரின் முன் அனுமதி பெறுவதற்கு ramanathapuram.nic.in என்ற இணையதளம் மூலம் விண்ணப்பிக்கலாம். இந்த இணையம் மூலமாக வரும் 18தேதி முதல் 24 தேதி வரை விண்ணப்பிக்கலாம் என ஆட்சியர் தெரிவித்துள்ளார்.

Leave a Reply

Your email address will not be published. Required fields are marked *