மனித உயிரை காப்பாற்றிய பன்றி…. வியக்க வைக்கும் தொழில்நுட்பம்…. சாதித்த மருத்துவர்கள்….!!!!

அமெரிக்காவில் உள்ள மோரிலாந்து பல்கலைக்கழக மருத்துவ பள்ளியின் மருத்துவர்கள் மருத்துவ வரலாற்றிலேயே புதிய உச்சமாக பன்றியின் இதயத்தை மனிதனுக்குப் பொருத்தி சாதனை படைத்துள்ளனர். அமெரிக்காவை சேர்ந்த டேவிட் பென்னட் என்பவருக்கு உயிரை காப்பாற்ற மாற்று இதயம் பொருத்த வேண்டியிருந்தது. ஆனால் சில மருத்துவ காரணங்களால் மனித இதயம் பொருத்துவதற்கு அவர் தகுதியற்றவராக இருந்தார்.

அதன் காரணமாக அவருக்கு இறுதி முயற்சியாக பன்றியின் இதயத்தை பொருத்த மருத்துவர்கள் முடிவு செய்தனர். அதற்கு அமெரிக்காவின் உணவு மற்றும் மருந்து நிர்வாகம் அனுமதி அளித்தது. இதையடுத்து அறுவை சிகிச்சை மூலமாக மருத்துவர்கள் பன்றியின் இதயத்தை அவருக்கு பொருத்தியுள்ளனர். அந்த இதயம் மரபணு மாற்றம் செய்யப்பட்ட பன்றியின் உடலில் இருந்து எடுக்கப்பட்டது.

பன்றியின் உறுப்புகளை மனித உடம்பு ஏற்காமல் போவதற்கு காரணமாக இருக்கும் 3 மரபணுக்களை பன்றியின் உடலிலிருந்து மருத்துவர்கள் நீக்கியுள்ளனர். பன்றியின் இருதய சிசுவை தேவைக்கு மேல் வளர செய்யும் மரபணுவை மருத்துவர்கள் நீக்கியதோடு பன்றியின் உறுப்பை மனித உடல் ஏற்பதற்காக ஆறு மனித மரபணுக்களை பன்றியின் உடலில் செலுத்தியுள்ளனர். அதன்பிறகு பன்றியின் இதயம் அவருக்குப் பொருத்தப்பட்டது. தற்போது அவர் ஆரோக்கியமாக உள்ளார்.

Leave a Reply

Your email address will not be published. Required fields are marked *