போதையில் ரகளை செய்த வாலிபர்…. விசாரணையில் தெரிந்த உண்மை…. பரபரப்பு சம்பவம்…!!

கஞ்சா போதையில் வாலிபர் தகராறில் ஈடுபட்ட சம்பவம் பரபரப்பை ஏற்படுத்தியுள்ளது.

திருவண்ணாமலை மாவட்டத்திலுள்ள கிரிவலப்பாதையில் நூற்றுக்கணக்கான சாதுக்கள் தங்கியுள்ளனர். மேலும் ஏராளமான பக்தர்கள் கிரிவலம் செல்கின்றனர். இதனால் பக்தர்களின் பாதுகாப்பு கருதி காவல்துறையினர் பகல் மற்றும் இரவு நேரங்களில் தீவிர ரோந்து பணியில் ஈடுபடுகின்றனர். இந்நிலையில் இன்று பழனியாண்டவர் கோவில் அருகே மோட்டார் சைக்கிளில் வந்த வாலிபர் சாதுக்களிடம் தகாத வார்த்தைகளால் பேசி தகராறில் ஈடுபட்டுள்ளார்.

இதுகுறித்து அறிந்த காவல்துறையினர் சம்பவ இடத்திற்கு விரைந்து சென்று அந்த நபரிடம் விசாரணை நடத்தினர். அப்போது அந்த நபர் ஆந்திர மாநிலத்தைச் சேர்ந்தவர் என்பதும், அவர் கஞ்சா போதையில் இருந்ததும் தெரியவந்தது. இதனை அடுத்து காவல்துறையினர் அந்த வாலிபரின் மோட்டார் சைக்கிளை பறிமுதல் செய்தனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.

Leave a Reply

Your email address will not be published. Required fields are marked *