பொருள்களை வாங்கிக் கொண்டு வீட்டிற்கு சென்ற காவலர்… திடீரென கேட்ட சத்தம்… ராணிப்பேட்டையில் நேர்ந்த சோகம்..!!

ராணிப்பேட்டையில் ஏற்பட்ட இருசக்கர வாகன விபத்தில் ரயில்வே போலீசார் உயிரிழந்த சம்பவம் சோகத்தை ஏற்படுத்தியது .

ராணிப்பேட்டை மாவட்டத்தில் நெமிலி பகுதிக்கு அடுத்துள்ள வேட்டாங்குளம் கிராமத்தை சேர்ந்தவரான, வரதரின் மகன் 38 வயதுடைய உதயகுமார். உதயகுமார் அரக்கோணத்தில் உள்ள ரயில்வே நிலையத்தில் காவலராக பணிபுரிந்து வந்துள்ளார். இவர் வீட்டிற்கு தேவையான பொருட்களை வாங்க கடந்த 28ஆம் தேதியன்று, இருசக்கர வாகனத்தில்  நெமிலியில் உள்ள கடைவீதிக்கு சென்றுள்ளார். பொருட்களை வாங்கிக்கொண்டு வீட்டிற்கு வந்து கொண்டிருந்தார். திடீரென்று எதிரே வந்த வாகனமானது, இவர் மீது மோதியதில் தூக்கி வீசப்பட்டார்.

இதில் படுகாயமடைந்த அவரை, வேகமாக காஞ்சிபுரம் அரசு மருத்துவமனைக்கு கொண்டு சென்றனர். அங்கிருந்து அவரை மேல் சிகிச்சைகாக , சென்னை அரசு மருத்துவமனைக்கு எடுத்துச் சென்றனர். தீவிர சிகிச்சையில் இருந்த உதயகுமார், சிகிச்சை பலனின்றி இறந்தார். இறந்த உதயகுமாருக்கு லாவண்யா என்ற மனைவியும், பிரவீன் குமார் (வயது 12), ரஞ்சித்குமார் (வயது 10) மற்றும் ஜெகன் குமார் (வயது 8) என்ற மூன்று மகன்கள் உள்ளனர். இச்சம்பவம் தொடர்பாக நிமிலி போலீசார் வழக்குப்பதிவு செய்து விசாரணை நடத்தி வருகிறார்கள்.

Leave a Reply

Your email address will not be published. Required fields are marked *