பெட்ரோல் விலை…! ”கூடவும் இல்லை”…. ”குறைவும் இல்லை”…. எதிர்பார்ப்பில் வாகன ஓட்டிகள் ..!!

பெட்ரோல் மற்றும் டீசல் விலை நேற்றைய விலையில் இருந்து எந்த மாற்றமின்றி விற்பனை செய்யப்படுகிறது.

தொடர்ந்து அதிகரித்து வந்த பெட்ரோல் மற்றும் டீசல் விலை தீடிரென சரியத் தொடங்கியது. பின்னர் ஏற்றம், இறக்கமாக இருந்து வருகின்றது. இதனால் வாகன ஓட்டிகள் தினம் தினம் என்ன விலை இருக்குமோ என்று சற்று குழம்பியே இருக்கின்றனர். ஒருநாள் அதிகமாகவும், ஒருநாள் குறைவாகவும், ஒருநாள் ஏற்ற இறக்கம் இல்லாமல் நிலையாகவும் இருந்து வருகின்றது.

விலை நிர்ணயம் :

சர்வதேச சந்தை கச்சா எண்ணெய்யின் விலையை பொறுத்து இந்தியாவில் பெட்ரோல் மற்றும் டீசல் விலை நிர்ணையிக்கப்படுகிறது. அதே போல எண்ணெய் நிறுவனங்கள் தினந்தோறும் அதன் விலையை மாற்றியமைத்துக் கொள்ள அரசு அனுமதித்துள்ளது.அந்த வகையில் எண்ணெய் நிறுவனங்கள் தினந்தோறும் பெட்ரோல், டீசல் விலையை நிர்ணையித்து வருகின்றன.

இதையடுத்து சென்னையில் இன்று ஒரு லிட்டர் பெட்ரோல் நேற்றைய விலையில் இருந்து எந்த மாற்றமின்றி ரூ. 91.11 க்கு விற்பனை செய்யப்படுகின்றது. அதே போல லிட்டர் டீசல் நேற்றைய விலையில் இருந்து எந்த மாற்றமின்றி ரூ. 86.45 க்கு விற்பனை செய்யப்படுகிறது. ஏற்கனவே உயர்த்தப்பட்ட விலை குறைந்து  இதே போல பெட்ரோல் விலை மாற்றமின்றி நிலையாக இருந்தால் நன்றாக இருக்கும் என வாகன ஓட்டிகள் எதிர்பார்க்கின்றனர்.