சுவையான பாசுந்தி… அதுவும் அட்டகாசமான ருசியில்… செய்து பாருங்க…!!!

பாசுந்தி செய்ய தேவையான பொருட்கள்:

பாசுமதி அரிசி                 – 1 கப்
பால்                                        – 1/2 லிட்டர்
கண்டென்ஸ்டு மில்க்    – 1/2 கப்
நெய்                                       – 1 டேபிள் ஸ்பூன்
பாதாம்                                  – சிறிதளவு
முந்திரி                                  -சிறிதளவு
பிஸ்தா                                   – சிறிதளவு
உலர் திராட்சை                 – சிறிதளவு
எண்ணெய்                          – 1 டேபிள் ஸ்பூன்
சர்க்கரை                              – 8 டேபிள் ஸ்பூன்
குங்குமப்பூ                           – 1 சிட்டிகை
வெதுவெதுப்பான பால் – 1/4 கப்

செய்முறை:

முதலில் அரிசியை நீரில் 5 மணிநேரம் ஊற வைத்துக் கொள்ளவும். பின் அதனை நன்கு கழுவி, நீரை முற்றிலும் வடித்து, மிக்ஸியில் போட்டு கொரகொரப்பாக அரைத்து தனியாக வைக்கவும். அதே நேரம் வெதுவெதுப்பான பாலுடன் குங்குமப்பூவை சேர்த்து ஊற வைக்கவும்.

பின் ஒரு பாத்திரத்தில் 1/2 கப் தண்ணீர், அரைத்து வைத்துள்ள அரிசி மாவையும் சேர்த்து, 5 நிமிடம் நன்கு வேக வைத்து எடுக்கவும்.

பின்பு அதில் 1/2 லிட்டர் பால் மற்றும் நெய் ஊற்றி நன்கு கிளறி விடவும். அரிசி நன்கு வெந்ததும், அதனுடன் சர்க்கரை சேர்த்து 2 நிமிடம் நன்கு கிளறவும்.

அதனை தொடர்ந்து, கண்டென்ஸ்டு மில்க் சேர்த்து கிளறி, கலவையானது நன்கு கெட்டியாக வந்ததும், அதனுடன் 2 கப் தண்ணீர் ஊற்றி கொதிக்க விட வேண்டும். பிறகு அதில் வெதுவெதுப்பான பால் ஊற்றி 2 நிமிடம் கிளறி இறக்கவும்.

இறுதியில் ஒரு சிறிய வாணலியை அடுப்பில் வைத்து, அதில் எண்ணெய் ஊற்றி காய்ந்ததும், முந்திரி, பாதாம், பிஸ்தா, உலர் திராட்சை சேர்த்து பொன்னிறமாக வறுத்து, அதனை இறக்கி வைத்துள்ள கலவையின் மேல் சேர்த்தால் சுவையான பாசுந்தி ரெடி.

Leave a Reply

Your email address will not be published. Required fields are marked *