சென்னை நந்தனம் பகுதியில் எல்லோருக்குமான தலைவர் அம்பேத்கர் நூல் வெளியீட்டு விழா நடைபெறும் நிலையில் விஜய் கலந்து கொண்டுள்ளார். பின்னர் நிகழ்ச்சியில் பேசிய விஜய் கூறியதாவது, என்னை ஒவ்வொருத்தரும் அவங்க குடும்பத்துல ஒருத்தனா நினைச்சுட்டு இருக்காங்க. தமிழ்நாட்டுல அவங்களுக்கு எங்க, என்ன பிரச்சனை நடந்தாலும், அவங்களோட உரிமைகளுக்காகவும், அவங்களோட உணர்வு பூர்வமாக இருப்பேன். எப்போதும் அப்படித்தான் இருப்பேன்.
மக்கள் உணர்வுகளை மதிக்க தெரியாத, மக்கள் அடிப்படை சமூக நீதியான பாதுகாப்பை கூட உறுதி செய்ய இயலாத, கூட்டணி கணக்குகளை மட்டுமே நம்பி இறுமாப்புடன் 200 வெல்வோம் என்று எகத்தாள முழக்கமிடும் மக்கள் குரோத ஆட்சியாளர்களுக்கு என் மக்களோடு இணைந்து நான் விடுக்கும் எச்சரிக்கை. நீங்க உங்களோட சுய நலனுக்காக பல வழிகளில் பாதுகாத்து வரும் உங்கள் கூட்டணி கணக்குகள் அனைத்தையும் 2026-ல் மக்களே மைனஸ் ஆக்கி விடுவார்கள் என கூறியுள்ளார்.
அதற்கு பதில் அளிக்கும் விதமாக கனிமொழி எம்பி கூறியதாவது, இந்த தேர்தல் வெற்றி உங்கள் கரங்களில் இருக்கிறது அந்த எண்ணத்துடன் பணியாற்றினால் வெற்றி நிச்சயம். அண்ணன் தளபதி சொல்வது போல 200 தொகுதிகளிலும் நிச்சயமாக வெற்றி நிச்சயம். நானும் இறுமாப்புடன் சொல்கிறேன் வெற்றி நிச்சயம் எனக் கூறியுள்ளார்.
