லோகேஷ் கனகராஜ் டைரக்டில் விஜய் நடிக்கும் படம் “தளபதி 67”. இப்படத்தின் படப்பிடிப்பு பணிகள் தொடங்கவுள்ள நிலையில், இதில் நடிக்கவுள்ள கலைஞர்கள் குறித்த அறிவிப்புகள் தொடர்ந்து வெளியாகி வருகிறது. அதன்படி ப்ரியா ஆனந்த், சஞ்சய் தத், சாண்டி மாஸ்டர், மன்சூர் அலிகான், திரிஷா ஆகியோர் இப்படத்தில் நடிக்க உள்ளனர். இந்த படத்தின் அடுத்தடுத்த அப்டேட்டுகளை தற்போது படக்குழு வெளியிட்டு வருகிறது.

இந்நிலையில் படப்பிடிப்புக்காக தளபதி 67 படக்குழு காஷ்மீருக்கு விமானத்தில் சென்ற வீடியோவை பட குழு வெளியிட்டு ரசிகர்களின் எதிர்பார்ப்பை அதிகரித்த நிலையில், தளபதி 67 படத்தின் டைட்டில் தற்போது வெளியாகியது. இந்த படத்தில் நடிகர் விஜய் கேங்ஸ்டராக நடிப்பதாக கூறப்பட்டதால் தளபதி 67 படத்தின் டைட்டில் மீதான எதிர்பார்ப்பு ரசிகர்கள் மத்தியில் அதிக அளவில் இருந்தது. இந்நிலையில் படக்குழு தற்போது டைட்டில் வீடியோவை வெளியிட்டது. இந்த படத்திற்கு லியோ என பெயர் வைக்கப்பட்டுள்ளது. அதோடு லியோ படம் அக்டோபர் 19 ஆம் தேதி ரிலீஸ் ஆகும் என அறிவிப்பு வெளியாகியுள்ளது.