தற்கொலை தாக்குதல் நடத்துவேன்….. கைது செய்யப்பட்ட பாஜக நிர்வாகிக்கு ஜாமீன்….!!!

பெட்ரோல் விலையை இன்னும் ஒரு வாரத்தில் குறைக்கவில்லை என்றால் தற்கொலைப்படை தாக்குதல் நடத்துவத போவதாக  பேசியதால் பாஜக நிர்வாகி கைது செய்யப்பட்ட நிலையில் தற்போது அவருக்கு ஜாமீன் வழங்கப்பட்டுள்ளது. அரியலூர் மாவட்டம் ஜெயங்கொண்டத்தில் நேற்று நடைபெற்ற ஆர்ப்பாட்டத்தில் கலந்து கொண்ட பாஜக ஓபிசி அணியின் மாநில துணைத் தலைவர் அகோரம் மாநில அரசு பெட்ரோல் டீசல் விலையை இன்னும் ஒரு வாரத்தில் குறைக்க வில்லை எனில் பாஜக தலைவர் அண்ணாமலையின் ஆணைக்கிணங்க தற்கொலை படை தாக்குதல் நடத்த இருப்பதாக தெரிவித்தார்.

மேலும் முதல்வர் முக ஸ்டாலின் குறித்து அவதூறாக பேசினார். இதை தொடர்ந்து போலீசார் 4 பிரிவுகளின் கீழ் வழக்குப்பதிவு செய்து அவரை கைது செய்தனர். இன்று ஜெயங்கொண்டம் நீதிமன்றத்தில் ஆஜர் படுத்தப்பட்ட நிலையில், அகோரத்திற்கு  2 லட்சத்திற்கான பிணைய பத்திரத்தையும், 2 ஜாமீன்தார்கள் தலா 10 ஆயிரத்திற்கான பிணைய பத்திரத்தையும் கொடுத்ததன் அடிப்படையில் ஜாமீன் வழங்கினார்.

Leave a Reply

Your email address will not be published. Required fields are marked *